完整藏文原文 · 德格版页 当前仅加载第 37 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་མཐར་ཐུག་པའི་དགེ་བའི་ཆོས་དང་ལྡན་པའི་དགེ་བའི་རྩ་བ་ཐམས་ཅད་ཡོངས་སུ་དག་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་
D44.037.0176a01.01རྣམས་ཀྱི་ཡོངས་སུ་དག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་ཡོངས་སུ་དག་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་
D44.037.0176a02.01ཕྱག་རྒྱ་སྟེ། བཅུ་གང་ཞེ་ན། ཀྱེ་རྒྱལ་བའི་སྲས་འདི་ལ་བྱང་ཆུབ་སེམས་དཔའ་འདུ་བྱེད་ཀྱི་སྡུག་བསྔལ་དང་། འགྱུར་བའི་སྡུག་བསྔལ་ཤེས་ཀྱང་སངས་རྒྱས་ཀྱི་ཆོས་ཡོངས་སུ་བཙལ་བས་སྒྱིད་ལུག་པར་བྱེད་པར་འགྱུར་བ་མེད་ཅིང་། བྱང་
D44.037.0176a03.01ཆུབ་སེམས་དཔའ་སྤྱོད་པ་ལ་ཞུམ་པར་འགྱུར་བ་མེད་ལ་མི་འཇིགས་མི་སྐྲག་སྐྲག་པར་མི་བྱེད་དེ། སྨོན་ལམ་ལས་ཕྱིར་མི་ལྡོག་ཅིང་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་རྒྱུན་མི་གཅོད་ཅིང་། སངས་རྒྱས་ཀྱི་ཆོས་ཡོངས་སུ་བཙལ་བ་ལ་
D44.037.0176a04.01མཐར་ཐུག་པ་མེད་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བའི་ཕྱག་རྒྱ་དང་པོའོ། །ཀྱེ་རྒྱལ་བའི་སྲས་གཞན་ཡང་བྱིས་པ་སོ་སོའི་སྐྱེ་བོ་རང་གི་ཀུན་ནས་ཉོན་མོངས་པས་ཤིན་ཏུ་འཁྲུགས་པར་གྱུར་པ་དེ་དག་བྱང་ཆུབ་
D44.037.0176a05.01སེམས་དཔའ་ལ་མི་སྙན་པར་རྗོད་ཅིང་ངན་དུ་ཟེར་ལ་མི་ཚུལ་བ་དང་། རྩུབ་པའི་ངག་འབྱིན་ཅིང་སྡིགས་རུ་བྱེད་པ་དང་། རྡོ་དང་དབྱིག་པ་དང་། མཚོན་ཆས་རྡེག་ཅིང་འདེབས་ཀྱང་དེའི་རྒྱུས་བྱང་ཆུབ་སེམས་དཔའི་སྤྱོད་པ་དང་། སངས་
D44.037.0176a06.01རྒྱས་ཀྱི་ཆོས་ཡོངས་སུ་བཙལ་བ་ལས་སྐྱོ་བར་མི་འགྱུར་ཏེ། བཟོད་པ་དང་མོས་པ་མང་བར་སྤྱོད་ཅིང་ཆོས་སྐྱོན་མེད་པ་ཡང་དག་པ་ཇི་ལྟ་བ་བཞིན་དུ་རྟོགས་པའི་བཟོད་པ་དང་། ལྡན་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D44.037.0176a07.01