完整藏文原文 · 德格版页 当前仅加载第 37 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ཁོང་དུ་ཆུད་པར་བྱ་བའི་སྒོ་བརྒྱད་པ་འདིས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པའི་ཐུགས་སྐྱེ་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རླུང་གིས་
D44.037.0116a01.01འཇིག་པའི་བསྐལ་པ་བྱུང་བའི་ཚེ། རྣམ་པར་འཐོར་བ་ཞེས་བྱ་བའི་རླུང་མར་ཆེན་པོ་འབྱུང་སྟེ། དེ་དག་ནི་ཁོར་ཡུག་དང་ཁོར་ཡུག་ཆེན་པོའི་རྡོ་རྗེའི་རི་ཡན་ཅད་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་བཤིག་བཅོམ་རྣམ་པར་
D44.037.0116a02.01གཏོར་ཏེ་ཆ་ཤས་ཀྱང་མེད་པར་བྱེད་དེ། དེ་ལ་ཕྱིར་ཟློག་པ་ཞེས་བྱ་བའི་རླུང་མར་ཆེན་པོ་གཞན་ལྡང་བའང་ཡོད་དེ། དེ་དག་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་འཁོར་ཀུན་ནས་ལྡང་སྟེ། རྣམ་པར་འཐོར་བའི་རླུང་མར་ཆེན་པོ་འཇིག་རྟེན་
D44.037.0116a03.01གྱི་ཁམས་གཞན་དུ་མི་འགྲོ་བར་ཕྱིར་ཟློག་གོ །ཀྱེ་རྒྱལ་བའི་སྲས་ཅི་སྟེ་ཕྱིར་ཟློག་པའི་རླུང་མར་ཆེན་པོ་དེ་དག་གིས་རྣམ་པར་འཐོར་བའི་རླུང་མར་ཆེན་པོ་དེ་ཕྱིར་མ་བཅིལ་དུ་ཟིན་ན། ཕྱོགས་བཅུའི་འཇིག་རྟེན་གྱི་ཁམས་ཚད་མེད་གྲངས་མེད་པ་དག་ཀྱང་བཤིག་
D44.037.0116a04.01པར་འགྱུར་རོ། །བཅོམ་པར་འགྱུར་རོ། །གཏོར་བར་འགྱུར་རོ། །ཆ་ཤས་ཀྱང་མི་བཞག་པར་འགྱུར་རོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡེ་ཤེས་ཀྱི་རླུང་མར་ཆེན་པོ་ཉོན་མོངས་པ་
D44.037.0116a05.01ཐམས་ཅད་རྣམ་པར་འཐོར་བ་ཡོད་དེ། ཡེ་ཤེས་ཀྱི་རླུང་མར་ཆེན་པོ་དེས་དེ་བཞིན་གཤེགས་པ་བྱང་ཆུབ་སེམས་དཔའ་ཐམས་ཅད་ཀྱི་ཉོན་མོངས་པའི་བག་ཆགས་རྣམ་པར་འཐོར་ཞིང་རྣམ་པར་འཇོམས་པར་མཛད་དེ། དེ་ལའང་དེ་བཞིན་གཤེགས་པ་རྣམས་ཀྱི་ཡེ་ཤེས་ཀྱི་རླུང་
D44.037.0116a06.01མར་ཆེན་པོ་ཐབས་མཁས་པས་ཡང་དག་པར་འཛིན་པ་ཞེས་བྱ་བ་རབ་ཏུ་ལྡང་བ་ཡོད་དེ། ཉོན་མོངས་པའི་བག་ཆགས་རྣམ་པར་འཐོར་བའི་ཡེ་ཤེས་ཀྱི་རླུང་མར་ཆེན་པོ་དེ་དག་གིས་བྱང་ཆུབ་སེམས་དཔའ་དབང་པོ་ཡོངས་སུ་མ་སྨིན་པ་རྣམས་ལས་ཕྱིར་ཟློག་གོ །
D44.037.0116a07.01