完整藏文原文 · 德格版页 当前仅加载第 37 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
དུས་ཐམས་ཅད་དུ་ཆོས་བསྟན་པ་དང་། སེམས་ཅན་སངས་རྒྱས་ལ་དད་པའི་སེམས་དང་ལྡན་པའི་དགེ་བའི་རྩ་བ་དུས་ཐམས་ཅད་དུ་བསྐྱེད་པ་དང་། ཆོས་སྐྱོན་མེད་པར་འདས་པའི་སེམས་ཅན་རྣམས་དུས་ཐམས་ཅད་དུ་ཡེ་ཤེས་ཁོང་དུ་ཆུད་པར་བྱ་བ་དང་།
D44.037.0008b01.01འགྲོ་བ་ཐམས་ཅད་དུ་སངས་རྒྱས་ཀྱི་མཛད་པ་དུས་ཐམས་ཅད་དུ་རྒྱུན་མི་འཆད་པ་དང་། དེ་བཞིན་གཤེགས་པ་རྣམས་འཇིག་རྟེན་གྱི་ཁམས་ཐམས་ཅད་དུ་དུས་ཐམས་ཅད་དུ། ཆགས་པ་མི་མངའ་བར་གཤེགས་པ་དང་། སེམས་ཅན་ཐམས་ཅད་ལ་
D44.037.0008b02.01ཐུགས་རྗེ་ཆེན་པོ་དུས་ཐམས་ཅད་དུ་མི་གཏོང་བ་དང་། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་སྤྲུལ་པ་དུས་ཐམས་ཅད་དུ་ཐོགས་པ་མེད་པ་དང་། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་རྣམ་པར་འཕྲུལ་པ་སྣ་ཚོགས་དུས་
D44.037.0008b03.01ཐམས་ཅད་དུ་ཐོགས་པ་མེད་པ་དང་། སངས་རྒྱས་བཅོམ་ལྡན་འདས་རྣམས་ཆོས་ཀྱི་དབྱིངས་གནས་པའི་སངས་རྒྱས་དུས་ཐམས་ཅད་དུ་འབྱུང་བ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཛད་པ་འཇིག་རྟེན་གྱི་
D44.037.0008b04.01ཁམས་ཐམས་ཅད་དུ་འབྱུང་ཞིང་དུས་ཐམས་ཅད་དུ་གནས་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡེ་ཤེས་རྒྱ་མཚོ་མི་ཟད་པའི་ཚུལ་རྣམས་ཏེ། བཅུ་གང་ཞེ་ན། སངས་རྒྱས་བཅོམ་ལྡན་འདས་
D44.037.0008b05.01རྣམས་ནི་དེ་བཞིན་གཤེགས་པའི་སྐུས་ཡེ་ཤེས་རྒྱ་མཚོ་མི་ཟད་པའོ། །སངས་རྒྱས་བཅོམ་ལྡན་འདས་རྣམས་ནི་སངས་རྒྱས་ཀྱི་ཕྲིན་ལས་ཚད་མེད་པ་བརྙེས་པས་ཡེ་ཤེས་རྒྱ་མཚོ་མི་ཟད་པའོ། །སངས་རྒྱས་བཅོམ་ལྡན་འདས་རྣམས་ནི་སངས་རྒྱས་ཀྱི་སྤྱན་གྱི་
D44.037.0008b06.01ཡུལ་མངའ་བས་ཡེ་ཤེས་རྒྱ་མཚོ་མི་ཟད་པའོ། །སངས་རྒྱས་བཅོམ་ལྡན་འདས་རྣམས་ནི་དགེ་བའི་རྩ་བ་ཚད་མེད་པ་བསམ་གྱིས་མི་ཁྱབ་པ་མངའ་བས་ཡེ་ཤེས་རྒྱ་མཚོ་མི་ཟད་པའོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་ཆར་མངོན་པར་འབེབས་
D44.037.0008b07.01