完整藏文原文 · 德格版页 当前仅加载第 37 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་རྣམ་པར་སྨིན་པ་ལ་གཅིག་ཏུ་ངེས་པས་ཤིན་ཏུ་གདོན་མི་ཟ་བའི་མོས་པ་དང་། ཅི་འདོད་པའི་ཆོ་འཕྲུལ་ཡོངས་སུ་སྟོན་པས་མངོན་དུ་གྱུར་པའི་མོས་པ་དང་སྟོབས་དང་མི་ལྡན་པ་མེད་པའི་ཕྱིར་དུས་གང་དུ་འདོད་
D44.037.0216a01.01པར་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བས་སངས་རྒྱས་ཐམས་ཅད་ཀྱིས་ལུང་བསྟན་པ་ཡང་དག་པར་ནོད་པའི་མོས་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་མོས་པ་སྟེ་དེ་དག་ལ་གནས་ཤིང་བྱང་ཆུབ་
D44.037.0216a02.01སེམས་དཔའ་རྣམས་དེ་བཞིན་གཤེགས་པའི་མོས་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་འཇིག་རྟེན་གྱི་ཁམས་སུ་མོས་པ་ལ་འཇུག་པ་སྟེ། བཅུ་གང་ཞེ་ན་
D44.037.0216a03.01འདི་ལྟར་འཇིག་རྟེན་གྱི་ཁམས་ཐམས་ཅད་འཇིག་རྟེན་གྱི་ཁམས་གཅིག་ཏུ་མོས་པ་ལ་འཇུག་པ་དང་། འཇིག་རྟེན་གྱི་ཁམས་གཅིག་འཇིག་རྟེན་གྱི་ཁམས་ཐམས་ཅད་དུ་མོས་པ་ལ་འཇུག་པ་དང་། འཇིག་རྟེན་གྱི་ཁམས་ཐམས་ཅད་པད་མོའི་གདན་གཅིག་ལ་
D44.037.0216a04.01བཞུགས་པའི་དེ་བཞིན་གཤེགས་པའི་སྐུས་ཡོངས་སུ་ཁྱབ་པར་མོས་པ་ལ་འཇུག་པ་དང་། འཇིག་རྟེན་གྱི་ཁམས་ཐམས་ཅད་ནམ་མཁའི་རང་བཞིན་དུ་ཡང་དག་པར་བསྟན་པར་མོས་པ་ལ་འཇུག་པ་དང་། འཇིག་རྟེན་གྱི་ཁམས་ཐམས་ཅད་སངས་རྒྱས་
D44.037.0216a05.01ཀྱི་རྒྱན་གྱིས་བརྒྱན་པར་མོས་པ་ལ་འཇུག་པ་དང་། འཇིག་རྟེན་གྱི་ཁམས་ཐམས་ཅད་བྱང་ཆུབ་སེམས་དཔའི་ལུས་ཀྱིས་རྒྱས་པར་དགང་བར་མོས་པ་ལ་འཇུག་པ་དང་། འཇིག་རྟེན་གྱི་ཁམས་ཐམས་ཅད་སྐྲའི་སྦུབས་གཅིག་ཏུ་དགོད་པར་མོས་པ་ལ་འཇུག་
D44.037.0216a06.01པ་དང་། འཇིག་རྟེན་གྱི་ཁམས་ཐམས་ཅད་སེམས་ཅན་གཅིག་གི་ལུས་ཀྱི་རྒྱུད་ཀྱི་རྗེས་སུ་འབྲང་བར་མོས་པ་ལ་འཇུག་པ་དང་། འཇིག་རྟེན་གྱི་ཁམས་ཐམས་ཅད་དེ་བཞིན་གཤེགས་པ་གཅིག་གི་བྱང་ཆུབ་ཀྱི་ཤིང་དང་། དེ་བཞིན་གཤེགས་པ་གཅིག་གི་
D44.037.0216a07.01