完整藏文原文 · 德格版页 当前仅加载第 37 函德格 352b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལྷ་མ་ཡིན་གྱི་སྒྱུས་རྣམ་པར་འཕྲུལ་པ་དང་། རྣམ་པར་རྩེ་བ་སྣ་ཚོགས་ཀྱིས་སེམས་ཅན་རྣམས་སྐྱོ་བར་བྱ་བ་དང་། སྡིག་པ་ལས་གྱེན་དུ་བསྐྱོད་པ་དང་། འཁོར་བས་འཇིགས་པར་བྱ་བ་དང་། སྲིད་པའི་ལམ་གྱི་རྒྱུད་ཐམས་ཅད་ནས་གྱེན་དུ་
D44.037.0352b01.01བསྐྱོད་དེ་གནས་མེད་པ་ལ་རབ་ཏུ་གནས་པར་བྱ་བ་དང་། བྱང་ཆུབ་ཀྱི་སེམས་ལ་སེམས་ཅན་རྣམས་རབ་ཏུ་དགོད་པ་དང་། བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་སྤྱོད་པ་རྣམ་པར་དག་པར་བྱ་བ་དང་། བྱང་ཆུབ་སེམས་དཔའ་རྣམས་ཕ་
D44.037.0352b02.01རོལ་ཏུ་ཕྱིན་པ་ལ་རབ་ཏུ་དགོད་པར་བྱ་བ་དང་། བྱང་ཆུབ་སེམས་དཔའི་ས་ལ་རབ་ཏུ་གཟུང་བ་དང་། བྱང་ཆུབ་སེམས་དཔའ་རྣམས་ཀྱིས་སངས་རྒྱས་ཀྱི་ཆོས་ཀྱི་ཚུལ་སྣང་བ་ཡོངས་སུ་བསྐྱེད་པ་དང་། ཆོས་ཀྱི་ཚུལ་རྣམ་པར་དགོད་པ་སྣ་ཚོགས་ཀྱིས་
D44.037.0352b03.01སེམས་ཀྱི་སྐད་ཅིག་རེ་རེ་ཞིང་ཆོས་ཀྱི་དབྱིངས་རྒྱས་པར་འགེངས་པར་བྱེད་པ། ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཐོང་ངོ་། །རྒྱབ་ཀྱི་གཞུང་ནས་ཉན་ཐོས་དང་། རང་སངས་རྒྱས་མང་པོ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་ནས་
D44.037.0352b04.01ཉན་ཐོས་དང་། རང་སངས་རྒྱས་ཀྱིས་འདུལ་བའི་སེམས་ཅན་བདག་ཏུ་མངོན་པར་ཞེན་པ་རྣམས་ལ་བདག་མེད་པ་དང་། སེམས་ཅན་མེད་པ་ཡོངས་སུ་བརྗོད་པ་བྱེད་ཅིང་། རྟག་པར་མངོན་པར་ཞེན་པ་རྣམས་ལ་འདུ་བྱེད་ཐམས་ཅད་{མྱི་,མི་}རྟག་པར་ཡོངས་སུ་བསྟན་
D44.037.0352b05.01པ་དང་། འདོད་ཆགས་ཀྱི་སྤྱོད་པ་ཅན་རྣམས་ལ་{མྱི་,མི་}སྡུག་པ་དང་། ཞེ་སྡང་གི་སྤྱོད་པ་ཅན་རྣམས་ལ་བྱམས་པ་དང་། གཏི་མུག་གི་སྤྱོད་པ་ཅན་རྣམས་ལ་རྐྱེན་ལས་བྱུང་བའི་རྟེན་ཅིང་འབྲེལ་བར་འབྱུང་བ་བརྗོད་པ་དང་། ཆ་མཉམ་པའི་སྤྱོད་པ་ཅན་རྣམས་ལ་ཡེ་
D44.037.0352b06.01ཤེས་ཀྱི་ཡུལ་དང་ལྡན་པའི་ཆོས་ཀྱི་ཚུལ་མངོན་པར་བསྟན་པ་དང་། ཡུལ་ལ་མངོན་པར་དགའ་བ་རྣམས་ལ་གནས་མེད་པ་རབ་ཏུ་བརྗོད་པ་དང་། ཞི་བ་ལ་གནས་སུ་སེམས་པ་རྣམས་ལ་སྨོན་ལམ་གྱི་ཁྱད་པར་གྱིས་སྤྲོ་བ་བསྐྱེད་པ་དང་། ཕྱོགས་ཀྱི་རྒྱུད་དང་སྒོ་ཐམས་
D44.037.0352b07.01