完整藏文原文 · 德格版页 当前仅加载第 37 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ནི་དེ་བཞིན་གཤེགས་པ་དང་། དབང་བསྐུར་བ་ཐོབ་པའི་བྱང་ཆུབ་སེམས་དཔའ་ཐམས་ཅད་ཀྱིས་ཀྱང་། བྱང་ཆུབ་སེམས་དཔའ་འདི་སྙེད་ཅིག་དེ་བཞིན་གཤེགས་པའི་མཐུ་འདིས་ཡང་དག་པར་འགྲུབ་པར་འགྱུར་རོ། །ཞེས་བྱ་
D44.037.0085a01.01བར་ཐུགས་སུ་ཆུད་དོ། །ཀྱེ་རྒྱལ་བའི་སྲས་དག་དེ་ལྟར་དེ་བཞིན་གཤེགས་པ་འབྱུང་བར་འགྱུར་བའི་ཚེ། དེ་བཞིན་གཤེགས་པ་ཐམས་ཅད་ཀྱི་རིགས་འབྱུང་བའི་མཐུས། དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་འོད་བཟང་པོ་དྲི་མ་མེད་པ་ཞེས་
D44.037.0085a02.01བྱ་བ་འབྱུང་སྟེ། འོད་ཟེར་དེས་དེ་བཞིན་གཤེགས་པ་རྣམས་ཀྱི་ཡེ་ཤེས་ཟག་པ་མེད་ཅིང་མི་ཟད་པ་ཡང་དག་པར་འགྲུབ་པར་འགྱུར་རོ། །དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་ཀུན་ཏུ་སྣང་བ་ཞེས་བྱ་བ་འབྱུང་སྟེ། འོད་ཟེར་དེས་དེ་བཞིན་གཤེགས་
D44.037.0085a03.01པ་རྣམས་ཀྱི་ཡེ་ཤེས་བསམ་གྱིས་མི་ཁྱབ་པ་ཆོས་ཀྱི་དབྱིངས་སུ་གཞོལ་བ་ཡང་དག་པར་འགྲུབ་པར་འགྱུར་རོ། །དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་དེ་བཞིན་གཤེགས་པའི་རིགས་ཡང་དག་པར་འབྱུང་བ་ཞེས་བྱ་བ་འབྱུང་སྟེ། འོད་ཟེར་དེས་
D44.037.0085a04.01དེ་བཞིན་གཤེགས་པ་རྣམས་ཀྱི་སྟོབས་མི་སྒུལ་བ་ཡང་དག་པར་འགྲུབ་པར་འགྱུར་རོ། །དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་ཟིལ་གྱིས་མི་ནོན་ཅིང་། ཡང་དག་པར་འཕགས་པ་ཞེས་བྱ་བ་འབྱུང་སྟེ། འོད་ཟེར་དེས་དེ་བཞིན་གཤེགས་པ་རྣམས་
D44.037.0085a05.01ཀྱི་སྟོབས་དང་མི་བསྙེངས་པ་ཟིལ་གྱིས་མི་ནོན་པའི་ཡེ་ཤེས་ཡང་དག་པར་འགྲུབ་པར་འགྱུར་རོ། །དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་ཐམས་ཅད་མངོན་པར་མཁྱེན་པ་ཞེས་བྱ་བ་འབྱུང་སྟེ། འོད་ཟེར་དེས་དེ་བཞིན་གཤེགས་པ་རྣམས་ཀྱི་ཡེ་
D44.037.0085a06.01ཤེས་ཐམས་ཅད་དུ་བརྗོད་པ་ལས་འདས་ཤིང་ཐམས་ཅད་དུ་ཐོགས་པ་མེད་པ་ཡང་དག་པར་འགྲུབ་པར་འགྱུར་རོ། །དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་སྤྲུལ་པས་མངོན་པར་བསྒྲུབས་པ་ཞེས་བྱ་བ་འབྱུང་སྟེ། འོད་ཟེར་དེས་དེ་བཞིན་གཤེགས་
D44.037.0085a07.01