完整藏文原文 · 德格版页 当前仅加载第 37 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་གྲོལ་བ་སྟེ། བཅུ་གང་ཞེ་ན། འདི་ལྟར་ཉོན་མོངས་པ་ལས་རྣམ་པར་གྲོལ་བ་དང་། ལྟ་བ་ལས་རྣམ་པར་གྲོལ་བ་དང་། ཉེ་བར་ལེན་པ་
D44.037.0172a01.01ལས་རྣམ་པར་གྲོལ་བ་དང་། ཕུང་པོ་དང་ཁམས་དང་། སྐྱེ་མཆེད་ལས་རྣམ་པར་གྲོལ་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་ལས་འདའ་བའི་རྣམ་པར་གྲོལ་བ་དང་། མི་སྐྱེ་བའི་ཆོས་ལ་བཟོད་པ་ཐོབ་པའི་རྣམ་པར་གྲོལ་བ་དང་། འགྲོ་བའི་ཞིང་ཐམས་
D44.037.0172a02.01ཅད་ནས་སེམས་ཅན་གྱི་ཆོས་ལས་གྱེན་དུ་བསྐྱོད་པའི་རྣམ་པར་གྲོལ་བ་དང་། བྱང་ཆུབ་སེམས་དཔའི་རྣམ་པར་བསྒྲུབ་པ་མཐའ་དང་དབུས་མེད་པའི་རྣམ་པར་གྲོལ་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་ལས་གྱེན་དུ་བསྐྱོད་དེ། དེ་བཞིན་གཤེགས་
D44.037.0172a03.01པའི་ས་འཐོབ་པའི་རྣམ་པར་གྲོལ་བ་དང་། དུས་གསུམ་ཐམས་ཅད་སྐད་ཅིག་གཅིག་གིས་ཤེས་པའི་རྣམ་པར་གྲོལ་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་གྲོལ་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་
D44.037.0172a04.01རྣམས་སངས་རྒྱས་ཀྱི་ཕྲིན་ལས་བླ་ན་མེད་པ་སེམས་ཅན་རྣམས་ཀྱིས་འཐོབ་པར་བྱེད་པ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྐྱེད་མོས་ཚལ་ཏེ། བཅུ་གང་ཞེ་ན། འདི་ལྟར་ཡོངས་སུ་སྐྱོ་བ་མེད་པས་འཁོར་བའི་སྐྱེད་
D44.037.0172a05.01མོས་ཚལ་དང་། མི་དགའ་བ་མེད་པས་སེམས་ཅན་ཡོངས་སུ་སྨིན་པར་བྱ་བའི་སྐྱེད་མོས་ཚལ་དང་། སྤྱོད་པ་ཆེན་པོ་བསྐྱེད་ཅིང་རབ་ཏུ་འཛིན་པས་བསྐལ་པ་ཐམས་ཅད་དུ་ཞེ་ནོན་པའི་སྐྱེད་མོས་ཚལ་དང་། རང་གི་ཁྱིམ་ལྟར་དགའ་བས་འཇིག་རྟེན་གྱི་ཁམས་
D44.037.0172a06.01ཡོངས་སུ་དག་པའི་སྐྱེད་མོས་ཚལ་དང་། བདུད་ཀྱི་ཡུལ་མངོན་པར་འདུལ་བས་བདུད་ཀྱི་ཁྱིམ་ཐམས་ཅད་ཀྱི་སྐྱེད་མོས་ཚལ་དང་། ཚུལ་བཞིན་དུ་རབ་ཏུ་རྟོགས་པས་ཇི་སྐད་དུ་ཐོས་པའི་ཆོས་རྟོགས་པར་གཞོག་པའི་སྐྱེད་མོས་ཚལ་དང་། བདག་གི་ཕའི་
D44.037.0172a07.01