完整藏文原文 · 德格版页 当前仅加载第 37 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ལ་འཕེལ་བ་དང་། འགྲིབ་པ་མི་མངའ་འོ། །འཇིག་རྟེན་གྱི་ཁམས་ཐམས་ཅད་དུ་ལྷག་པའི་བསམ་པ་དང་། སེམས་ཡོངས་སུ་དག་ཅིང་མོས་པ་ཡོངས་སུ་བསྒོམས་པའི་སྟོབས་དང་ཤུགས་སུ་ལྡན་པའི་སེམས་ཅན་བྱང་ཆུབ་ཀྱི་སྣོད་རྣམས་ལ་
D44.037.0095b01.01ཡང་གཟུགས་བརྙན་རབ་ཏུ་འབྱུང་ངོ་། །སེམས་ཅན་ཀུན་གྱིས་བལྟས་ཀྱང་བདག་བདག་ལ་མངོན་དུ་གཟིགས་པར་འཛིན་ཏེ། བསམ་པ་ཇི་ལྟ་བ་བཞིན་དུ་ཆོས་ཉན། ཐེག་པ་གང་གིས་འདུལ་བའི་ས་ཇི་བཞིན་དུ་རྣམ་པར་གྲོལ་བར་འགྱུར་ཏེ། སེམས་ཅན་ཇི་
D44.037.0095b02.01ལྟ་བུར་འདུལ་བ་བཞིན་དུ་སྣང་བའི་ཚུལ་གྱིས། །དེ་བཞིན་གཤེགས་པའི་སྐུ་ཡང་རབ་ཏུ་སྟོན་ཏེ། །དེ་བཞིན་གཤེགས་པའི་སྐུ་ཟླ་བའི་དཀྱིལ་འཁོར་དེ་ལ་རྣམ་པར་རྟོག་པ་མི་མངའ་སྤྲོས་པ་མི་མངའ་འོ། །རྣམ་པར་རྟོག་པ་མི་མངའ་ཞིང་སྤྲོས་པ་མི་མངའས་
D44.037.0095b03.01ཀྱང་། ཕྲིན་ལས་དེ་དག་ལ་རབ་ཏུ་སྤྱོད་དོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་ཁོང་དུ་ཆུད་པར་བྱ་བའི་སྒོ་དྲུག་པ་འདིས་ཀྱང་། དེ་བཞིན་གཤེགས་པའི་སྐུ་བལྟར་ཡོད་པར་ཤེས་པར་བྱའོ། །ཀྱེ་རྒྱལ་བའི་སྲས་གཞན་ཡང་
D44.037.0095b04.01འདི་ལྟ་སྟེ་དཔེར་ན། སྟོང་གསུམ་གྱི་སྟོང་ཆེན་པོའི་བདག་པོ་ཚངས་པ་ཆེན་པོ་ནི་ལས་གྲོན་ཆུང་ངུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ་ལུས་ཡོངས་སུ་སྟོན་ཏོ། །འོན་ཀྱང་ལུས་ཡོངས་སུ་འབྱེད་པ་མེད་དོ། །ལུས་ཐ་དད་
D44.037.0095b05.01པར་བྱེད་པ་མེད་དོ། །སྟོང་གསུམ་གྱི་སྟོང་ཆེན་པོར་གཏོགས་པའི་སེམས་ཅན་རྣམས་ཀྱིས་ཀྱང་བསམ་པ་མཉམ་པ་ཉིད་ཇི་ལྟ་བུ་དང་ལྡན་པའི་ཚུལ་བཞིན་དུ་ལུས་མཉམ་པ་ཉིད་དུ་མཐོང་ངོ་། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་ཡང་སྐུ་ཡོངས་སུ་འབྱེད་པ་
D44.037.0095b06.01མི་མཛད། སྐུ་ཐ་དད་པར་མཛད་པ་ཡང་མི་མངའ་བར་འཇིག་རྟེན་གྱི་ཁམས་ཐམས་ཅད་དུ་གཏོགས་པའི་སེམས་ཅན་རྣམས་ལ་ཡང་བསམ་པ་དང་མོས་པ་ཇི་ལྟ་བ་བཞིན་དུ་སྐུ་ཡོངས་སུ་སྟོན་ཏེ། དེ་བཞིན་གཤེགས་པའི་སྐུ་ལ་རྣམ་པར་རྟོག་པ་མི་མངའ།
D44.037.0095b07.01