完整藏文原文 · 德格版页 当前仅加载第 37 函德格 324b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་ནས། འཇམ་དཔལ་གཞོན་ནུར་གྱུར་པའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། འཇམ་དཔལ་གཞོན་ནུར་གྱུར་པ་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས། ལན་བརྒྱ་སྟོང་དུ་མར་ཕྱིར་བལྟས་ཏེ། དགེ་བའི་བཤེས་གཉེན་ཡིད་དུ་
D44.037.0324b01.01འོང་བའི་སེམས་དང་ལྡན་པས། དགེ་བའི་བཤེས་གཉེན་མི་མཐོང་བ་མི་བཟོད་དེ། གདོང་མཆི་མས་གང་བར་དུ་ཞིང་འཇམ་དཔལ་གཞོན་ནུར་གྱུར་པའི་དྲུང་ནས་སོང་ངོ་། །དེ་ནས་ཚོང་དཔོན་གྱི་བུ་ནོར་{བཟངས་,བཟང་}མཐར་གྱིས་ཡུལ་མི་མོ་གྱ་ནོམ་མཆོག་ཅེས་བྱ་བ་དེར་
D44.037.0324b02.01སོང་སྟེ་ཕྱིན་ནས། ཡུལ་མི་མོ་གྱ་ནོམ་མཆོག་ནས་རྣམ་པར་བརྒྱུས་ཏེ། སྔོན་གྱི་དགེ་བའི་རྩ་བས་བྱུང་ཞིང་ལས་རྒྱ་ཆེན་པོས་བྱིན་གྱིས་བརླབས་པའི་ལོངས་སྤྱོད་ཡིད་དུ་འོང་བ་ལ་ཡོངས་སུ་སྤྱོད་ཅིང་རི་མགུལ་ལེགས་པ་གང་ན་བ་དེར་ཕྱིན་ནས། མགུལ་ལེགས་པའི་
D44.037.0324b03.01རི་ལ་འཛེགས་ཏེ། དགེ་སློང་སྤྲིན་གྱི་དཔལ་ལ་ཆོས་ཚོལ་ཞིང་། ཤར་ཕྱོགས་ལོགས་སུ་བྱུང་ངོ་། །དེ་བཞིན་དུ་ལྷོ་དང་ནུབ་དང་བྱང་དང་བྱང་ཤར་གྱི་ཕྱོགས་མཚམས་དང་། ཤར་ལྷོའི་ཕྱོགས་མཚམས་དང་། ལྷོ་ནུབ་ཀྱི་ཕྱོགས་མཚམས་དང་། ནུབ་བྱང་གི་
D44.037.0324b04.01ཕྱོགས་མཚམས་སུ་ཡང་བྱུང་སྟེ། བླ་འོག་ཏུ་འང་ལྟ་ཞིང་དགེ་སློང་སྤྲིན་གྱི་དཔལ་ཚོལ་ཚོལ་བ་ལས་དེས་ཞག་བདུན་ལོན་པ་དང་། དགེ་སློང་སྤྲིན་གྱི་དཔལ་རི་རྩེ་ཅིག་གི་སྨན་ལྗོངས་ན་འཆག་ཅིང་འདུག་པ་མཐོང་ནས། དེ་དགེ་སློང་སྤྲིན་གྱི་དཔལ་གང་ན་བ་དེར་སོང་
D44.037.0324b05.01སྟེ། དགེ་སློང་སྤྲིན་གྱི་དཔལ་གྱི་རྐང་པ་གཉིས་ལ་སྤྱི་བོས་ཕྱག་འཚལ་ནས། དགེ་སློང་སྤྲིན་གྱི་དཔལ་ལ་གཡས་ཕྱོགས་སུ་བསྐོར་བ་བྱས་ཏེ། མདུན་དུ་འདུག་ནས་ཐལ་མོ་སྦྱར་ཏེ་འདི་སྐད་ཅེས་སྨྲས་སོ། །འཕགས་པ་ཐུགས་སུ་ཆུད་པར་མཛད་དུ་
D44.037.0324b06.01གསོལ། བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན། ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བགྱི་བ་དང་། ཇི་ལྟར་ནན་ཏན་དུ་བགྱི་བ་དང་། ཇི་ལྟར་བྱང་ཆུབ་སེམས་དཔའི་སྤྱོད་པ་
D44.037.0324b07.01