完整藏文原文 · 德格版页 当前仅加载第 37 函德格 359b 版页；藏文 NFD、目录标记与异常页序保留在来源切片中，重复版页行以稳定序号区分。
དབབ་པ་དང་། ལྷ་མ་ཡིན་གྱི་གནས་སུ་ཡེ་ཤེས་ཀྱི་ཚུལ་རྡོ་རྗེའི་དཀྱིལ་འཁོར་ཅེས་བྱ་བའི་ཆོས་ཀྱི་སྤྲིན་གྱི་ཆར་མངོན་པར་དབབ་པ་དང་། ནམ་མཁའ་ལྡིང་གི་དབང་པོའི་གནས་སུ་དེ་བཞིན་གཤེགས་པ་ཐམས་ཅད་འབྱུང་བའི་ཐབས་ཀྱི་སྤྲིན་ཅེས་བྱ་
D44.037.0359b01.01བའི་ཆོས་ཀྱི་སྤྲིན་གྱི་ཆར་མངོན་པར་དབབ་པ་དང་། མིའམ་ཅིའི་དབང་པོའི་གནས་སུ་ཆོས་ཀྱི་སྤྲིན་ཡང་དག་པར་འགྲོ་བ་ཐམས་ཅད་ཀྱི་དབྱངས་ཤེས་བྱ་བའི་ཆོས་ཀྱི་སྤྲིན་གྱི་ཆར་མངོན་པར་དབབ་པ་དང་། ཀླུའི་དབང་པོའི་གནས་སུ་བྱང་ཆུབ་སེམས་དཔའི་
D44.037.0359b02.01རྣམ་པར་འཕྲུལ་པ་སྒྲོག་ཅིང་སྲིད་པའི་ལམ་གྱི་རྒྱུད་ལས་སྐྱོ་བ་བསྐྱེད་པ་ཞེས་བྱ་བའི་ཆོས་ཀྱི་སྤྲིན་གྱི་ཆར་མངོན་པར་དབབ་པ་དང་། ལྟོ་འཕྱེ་ཆེན་པོའི་དབང་པོའི་གནས་སུ་དགའ་བ་རྒྱ་མཚོ་རྣམ་པར་འཕེལ་བར་བྱེད་པའི་ཤུགས་ཤེས་བྱ་བའི་ཆོས་ཀྱི་སྤྲིན་གྱི་ཆར་
D44.037.0359b03.01མངོན་པར་དབབ་པ་དང་། {མྱིའི་,མིའི་}གནས་སུ་འགྲོ་བ་ཐམས་ཅད་ལས་ཁྱད་པར་དུ་འཕགས་པའི་ཡེ་ཤེས་རྣམ་པར་འབྱེད་པ་ཞེས་བྱ་བའི་ཆོས་ཀྱི་སྤྲིན་གྱི་ཆར་མངོན་པར་དབབ་པ་དང་། སེམས་ཅན་དམྱལ་བའི་འཇིག་རྟེན་དུ་འཁོར་བའི་སྡུག་བསྔལ་ཐམས་ཅད་
D44.037.0359b04.01རབ་ཏུ་ཞི་བའི་དབྱངས་དང་། འཕགས་པའི་ལམ་གྱི་ཚིག་གི་རྒྱུད་ཀྱིས་བརྒྱན་པ་ཞེས་བྱ་བའི་ཆོས་ཀྱི་སྤྲིན་གྱི་ཆར་མངོན་པར་དབབ་པ་དང་། བྱོལ་སོང་གི་སྐྱེ་གནས་སུ་ལས་ཀྱི་ལམ་ཁ་ན་མ་ཐོ་བ་མེད་པ་ལ་ནན་ཏན་དུ་བྱ་བའི་དབྱངས་དང་། དེ་བཞིན་
D44.037.0359b05.01གཤེགས་པ་རྗེས་སུ་དྲན་པའི་སྤྲིན་གྱི་དཀྱིལ་འཁོར་གྱི་ལྷུན་ཅེས་བྱ་བའི་ཆོས་ཀྱི་སྤྲིན་གྱི་ཆར་མངོན་པར་དབབ་པ་དང་། གཤིན་རྗེའི་འཇིག་རྟེན་དུ་དེ་བཞིན་གཤེགས་པ་ཐམས་ཅད་ཀྱི་ཕ་རོལ་ཏུ་ཕྱིན་པ་བསྒྲག་པ། སེམས་ཅན་ཐམས་ཅད་
D44.037.0359b06.01ཀྱི་གཏོང་བའི་སེམས་འབྱུང་བ་ཞེས་བྱ་བའི་ཆོས་ཀྱི་སྤྲིན་གྱི་ཆར་མངོན་པར་དབབ་པ་དང་། སེམས་ཅན་ལོག་པར་ལྟུང་བ་རྣམས་ལ་སྡུག་བསྔལ་ཐམས་ཅད་ཞི་བ་རབ་ཏུ་འཐོབ་པས་དབུགས་འབྱུང་བའི་དབྱངས་ཀྱི་ང་རོ་ཞེས་བྱ་བའི་ཆོས་ཀྱི་སྤྲིན་གྱི་ཆར་
D44.037.0359b07.01