完整藏文原文 · 德格版页 当前仅加载第 37 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་སེམས་ཅན་ཐམས་ཅད་ལ་མཉམ་པར་བཞག་ཀྱང་སྐད་ཅིག་གཅིག་གིས་སེམས་ཅན་གྱི་ཁམས་སྣ་ཚོགས་རྣམ་པ་ཐ་དད་པ་རྣམས་ཀྱང་བདག་མེད་པའི་མཐའ་ལ་གནས་པར་ཡོངས་སུ་སྟོན་ཏོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་དབྱིངས་མ་
D44.037.0040b01.01ལུས་པ་ཐམས་ཅད་ཀྱི་དུས་གསུམ་ལ་མཉམ་པར་བཞག་ཀྱང་དགོངས་པའི་སྐད་ཅིག་གཅིག་གིས་ཆ་ཤས་ལའང་མཉམ་པར་བཞག་ཅིང་རྣམ་པར་སྤྱོད་དོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་ཕྱོགས་འབྱམ་
D44.037.0040b02.01ཀླས་པའི་དྲ་བ་ཐམས་ཅད་ཀྱི་སངས་རྒྱས་ཀྱི་ཞིང་གི་རྒྱུད་དང་། རྣམ་པ་ཐམས་ཅད་ལ་མཉམ་པར་བཞག་ཀྱང་མི་ཟད་པའི་ཞིང་གི་མཐའ་ལའང་བཞུགས་ཤིང་རྣམ་པར་སྤྱོད་དོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་
D44.037.0040b03.01སངས་རྒྱས་ཀྱི་སྐུ་མུ་མེད་པ་ལ་མཉམ་པར་བཞག་ཀྱང་འཇིག་རྟེན་གྱི་ཁམས་ཐམས་ཅད་ཀྱིས་ཀྱང་སངས་རྒྱས་ཀྱི་སྐུ་སྣ་ཚོགས་རྣམ་པར་དམིགས་པར་ཡང་དག་པར་སྟོན་པ་མཛད་དོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་དབྱིངས་མ་ལུས་པ་
D44.037.0040b04.01ཐམས་ཅད་སྐུ་དང་གསུང་དང་ཐུགས་ཀྱིས་ཡོངས་སུ་རྒྱས་པར་རྟག་ཏུ་མཉམ་པར་བཞག་ཀྱང་སེམས་ཅན་ཐམས་ཅད་ཀྱི་སེམས་འབྱུང་བའི་མཛོད་སྣ་ཚོགས་ལ་ཡང་མོས་པ་དང་ཡིད་ལ་བྱེད་པ་ཇི་ལྟ་བ་བཞིན་དུ་རྣམ་པར་སྤྱོད་དོ། །སངས་རྒྱས་བཅོམ་ལྡན་
D44.037.0040b05.01འདས་རྣམས་ནི་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་ཆོས་ཐམས་ཅད་ཀྱི་རང་བཞིན་ལ་རྟག་ཏུ་མཉམ་པར་བཞག་ཀྱང་འདོད་ཆགས་དང་བྲལ་བའི་མཐའི་མུར་ཐུག་པ་ལ་བཞུགས་པ་ཡང་ཡོངས་སུ་མི་གཏོང་ངོ་། །སངས་རྒྱས་བཅོམ་ལྡན་འདས་
D44.037.0040b06.01རྣམས་ནི་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་འཇིག་རྟེན་ཐམས་ཅད་ཀྱི་རྟེན་པ་ལ་རྟག་ཏུ་མཉམ་པར་བཞག་ཀྱང་དགོངས་པ་སྐད་ཅིག་གིས་རྟེན་འབྲེལ་བར་འབྱུང་བ་བརྗོད་པ་ཡང་རབ་ཏུ་སྟོན་ཏོ། །སངས་རྒྱས་བཅོམ་ལྡན་འདས་རྣམས་ནི་
D44.037.0040b07.01