完整藏文原文 · 德格版页 当前仅加载第 37 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
བཤད་གསོལ། །ཚིགས་སུ་བཅད་པ་དེ་དག་གསོལ་མ་ཐག་ཏུ། དེའི་ཚེ་བཅོམ་ལྡན་འདས་ཀྱི་ཞལ་གྱི་སྒོ་ནས་མི་བསྙེངས་པའི་མཐར་ཕྱིན་པ་ཞེས་བྱ་བའི་འོད་ཟེར་འཁོར་གྱི་འོད་ཟེར་ཁྲག་ཁྲིག་བརྒྱ་སྟོང་གྲངས་མེད་པ་དང་ལྡན་པ་བྱུང་སྟེ། །དེས་འཇིག་
D44.037.0077b01.01རྟེན་གྱི་ཁམས་འབྱམ་ཀླས་པ་ཐམས་ཅད་མ་ལུས་པར་སྣང་བར་བྱས་ནས། འཇིག་རྟེན་གཡས་ཕྱོགས་སུ་ལན་བཅུར་བསྐོར་ཏེ། དེ་བཞིན་གཤེགས་པའི་རྣམ་པར་འཕྲུལ་པ་བསྟན་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་
D44.037.0077b02.01བརྒྱ་སྟོང་མང་པོ་བསྐུལ་བ་བྱས་ཏེ། འཇིག་རྟེན་གྱི་ཁམས་འབྱམ་ཀླས་པ་ཐམས་ཅད་རབ་ཏུ་བསྐྱོད་ནས། ངན་སོང་གི་རྒྱུད་ཐམས་ཅད་ཀྱི་སྐྱེ་བ་དང་། ཤི་འཕོ་བ་རབ་ཏུ་ཞི་བར་བྱས་ཏེ། བདུད་ཀྱི་ཁྱིམ་ཐམས་ཅད་ཟིལ་གྱིས་མནན་ནས།
D44.037.0077b03.01དེ་བཞིན་གཤེགས་པ་ཐམས་ཅད་མངོན་པར་འཚང་རྒྱ་བས། རྣམ་པར་སངས་རྒྱས་པའི་གདན་བསྟན་པ་བྱས་ཏེ། སངས་རྒྱས་ཀྱི་འཁོར་གྱི་དཀྱིལ་འཁོར་རྣམས་བཀོད་པ་འབྱམ་ཀླས་པ་རབ་ཏུ་བསྟན་ནས། འཇིག་རྟེན་གྱི་ཁམས་ཆོས་ཀྱི་
D44.037.0077b04.01དབྱིངས་ཀྱིས་ཀླས་པ། ནམ་མཁའི་མཐས་གཏུགས་པར་འབྱམ་ཀླས་པ། ཐམས་ཅད་མ་ལུས་པར་རྒྱས་པར་ཁྱབ་པར་བྱས་ནས་ཕྱིར་འོངས་ཏེ། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་ལ་གཡས་ཕྱོགས་ནས་བསྐོར་ནས། བྱང་ཆུབ་
D44.037.0077b05.01སེམས་དཔའ་ཀུན་ཏུ་བཟང་པོའི་ཁའི་སྒོར་ནུབ་བོ། །དེ་བཞིན་གཤེགས་པའི་འོད་ཟེར་དེས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་རེག་པར་གྱུར་མ་ཐག་ཏུ་དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་
D44.037.0077b06.01པོའི་ལུས་ཀྱི་སེང་གེའི་ཁྲི། སྔོན་ཅི་འདྲ་བ་དེ་ལས་བྱང་ཆུབ་སེམས་དཔའི་ལུས་ཀྱི་སེང་གེའི་ཁྲི་བརྒྱ་ཕྲག་སྟོང་གྱུར་དུ་བཟང་ཞིང་། ཁྱད་པར་དུ་འཕགས་པར་འདུག་སྟེ། དེ་བཞིན་གཤེགས་པའི་སེང་གེའི་གདན་མ་གཏོགས་པར་བྱང་ཆུབ་སེམས་
D44.037.0077b07.01