完整藏文原文 · 德格版页 当前仅加载第 37 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལུས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་སྐུ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཡིད་
D44.037.0231a01.01རྣམ་པར་རྒྱུ་བ་སྟེ། བཅུ་གང་ཞེ་ན་འདི་ལྟར་དགེ་བའི་རྩ་བ་ཐམས་ཅད་བརྩམས་པ་ལ་ཡིད་ནི་སྔོན་དུ་འགྲོ་བའོ། །ནན་ཏན་ལྷུར་བླང་བ་ལ་ཡིད་ནི་གནས་སོ། །སངས་རྒྱས་ཀྱི་ཆོས་རྣམས་ལ་ཡིད་ནི་རྗེས་སུ་ཞུགས་པའོ། །སེམས་ཅན་རྣམས་ཀྱི་བསམ་པར་
D44.037.0231a02.01ཡིད་ནི་ཁོང་དུ་ཆུད་པའོ། །ཉོན་མོངས་པ་ཐམས་ཅད་དང་མ་འདྲེས་པས་ཡིད་ནི་རྒྱུ་བ་མེད་པའོ། །གློ་བུར་གྱི་དྲི་མས་ཀུན་ནས་ཉོན་མོངས་པ་མེད་པའི་ཕྱིར་ཡིད་ནི་འོད་གསལ་བའོ། །དུས་ཇི་ལྟ་བའི་སྐད་ཅིག་ལས་ཀྱང་མི་འདའ་བའི་ཕྱིར་ཡིད་ནི་དཔྱད་པ་ཤིན་ཏུ་བརྟགས་
D44.037.0231a03.01པའོ། །ཐམས་ཅད་དུ་ཁ་ན་མ་ཐོ་བ་མེད་པའི་ཕྱིར་ཡིད་ནི་ལས་ཀྱི་མཐའ་ཤིན་ཏུ་སྤྱད་པའོ། །དབང་པོ་ཤིན་ཏུ་དུལ་བས་ཡུལ་ལ་མི་རྒྱུག་པའི་ཕྱིར་ཡིད་ནི་དབང་པོ་རུབ་པའོ། །སངས་རྒྱས་ཀྱི་ཏིང་ངེ་འཛིན་ལ་བདག་གིར་མི་བྱེད་པའི་ཕྱིར་ཡིད་ནི་ཤིན་ཏུ་མཉམ་པར་གཞག་
D44.037.0231a04.01པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཡིད་རྣམ་པར་རྒྱུ་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཐུགས་རྣམ་པར་རྒྱུ་བ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་
D44.037.0231a05.01བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་འགྲོ་བ་སྟེ། བཅུ་གང་ཞེ་ན་འདི་ལྟར་ཆོས་འདོད་པས་ཆོས་ཉན་དུ་འགྲོ་བ་དང་། སེམས་ཅན་གྱི་དོན་དུ་ཆོས་སྟོན་དུ་འགྲོ་བ་དང་། རང་གི་སེམས་ངེས་པར་རྟོགས་པས་འདོད་པ་མེད་པ་དང་། སྡང་བ་མེད་པ་དང་།
D44.037.0231a06.01གཏི་མུག་མེད་པ་དང་། འཇིགས་པ་མེད་པར་འགྲོ་བ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་འདོད་པའི་ཁམས་སུ་འགྲོ་བ་དང་། མྱུར་དུ་ཕྱིར་ལྡོག་པར་བྱ་བས་གཟུགས་དང་གཟུགས་མེད་པའི་སྙོམས་པར་འཇུག་པར་འགྲོ་བ་དང་། ཤེས་རབ་མྱུར་བ་
D44.037.0231a07.01