完整藏文原文 · 德格版页 当前仅加载第 37 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
དཔོན་གྱིས་མི་འཆབ་པའི་ལག་པ་དང་། ལུས་དང་སེམས་ཀྱི་ནད་རབ་ཏུ་བསལ་བའི་ཕྱིར་འཇིག་རྟེན་པ་དང་། འཇིག་རྟེན་ལས་འདས་པའི་གཙུག་ལག་ཐམས་ཅད་ཤེས་པའི་ལག་པ་དང་། ཉོན་མོངས་པའི་མུན་པ་ཐམས་ཅད་དང་བྲལ་བའི་ཆོས་
D44.037.0226b01.01ཀྱི་སྣང་བ་མཚུངས་པ་མེད་པ་ཡོངས་སུ་བསྟན་པའི་ཕྱིར་ཤེས་རབ་དང་ཡེ་ཤེས་རིན་པོ་ཆེའི་ལག་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་
D44.037.0226b02.01གཤེགས་པའི་ཕྱག་འཇིག་རྟེན་གྱི་ཁམས་ཐམས་ཅད་ཀུན་ནས་ཡོག་པར་སྐྱོབ་པ་བླ་ན་མེད་པ་འཐོབ་པར་འགྱུར་བ་དག་གོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ཉི་ཤུ་པ། །
D44.037.0226b03.01ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལྟོ་སྟེ། བཅུ་གང་ཞེ་ན་འདི་ལྟར་བསམ་པ་དག་པས་གཡོ་བ་མེད་པའི་ལྟོ་དང་དྲང་བས་སྒྱུ་མེད་པའི་ལྟོ་དང་། ཐིབས་པོ་མེད་པས་འཆོས་པ་མེད་པའི་ལྟོ་དང་། དངོས་པོ་ཐམས་ཅད་ལ་མངོན་
D44.037.0226b04.01བར་ཆགས་པ་མེད་པས་ཡུལ་ལ་མི་འཛིན་པའི་ལྟོ་དང་། ཤེས་པའི་ཕྱིར་ཉོན་མོངས་པ་ཐམས་ཅད་སེལ་བའི་ལྟོ་དང་། སྐྱོན་མེད་པའི་ཕྱིར་སེམས་དག་པའི་ལྟོ་དང་། ཆོས་ཇི་ལྟ་བ་བཞིན་དུ་ཡིད་ལ་བྱ་བའི་ཕྱིར་ཁ་ཟས་ཐམས་ཅད་ཡོངས་སུ་ཤེས་པར་བྱ་བ་
D44.037.0226b05.01སོ་སོར་རྟོག་པའི་ལྟོ་དང་། རྟེན་ཅིང་འབྲེལ་བར་འབྱུང་བ་རྗེས་སུ་རྟོགས་པར་བྱ་བའི་ཕྱིར་མངོན་པར་འདུ་མི་བྱེད་པ་སོ་སོར་རྟོག་པའི་ལྟོ་དང་། བསམ་པ་ཤིན་ཏུ་སྨིན་པས་འབྱུང་བ་ཐམས་ཅད་ཤེས་པའི་ལྟོ་དང་། སེམས་ཅན་ཐམས་ཅད་སངས་རྒྱས་
D44.037.0226b06.01ཀྱི་སྐུའི་ནང་དུ་ཆུད་པ་ཁོང་དུ་ཆུད་པའི་ཕྱིར་དྲི་མ་མཐའ་ཡས་པའི་ལྟ་བ་ཐམས་ཅད་དང་བྲལ་བའི་ལྟོའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལྟོ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་
D44.037.0226b07.01