完整藏文原文 · 德格版页 当前仅加载第 37 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་གཞོག་པའི་སྒོར་མཐའ་ཡས་པའོ། །སངས་རྒྱས་བཅོམ་ལྡན་འདས་རྣམས་ནི་བྱང་ཆུབ་སེམས་དཔའ་ཁྱད་པར་གྱི་སྨོན་ལམ་རྣམ་པ་ཐ་དད་པས་འབྱུང་བ་ཤིན་ཏུ་བསྟན་པའི་སྒོར་མཐའ་ཡས་པའོ། །སངས་རྒྱས་
D44.037.0010a01.01བཅོམ་ལྡན་འདས་རྣམས་ནི་འཇིག་རྟེན་གྱི་ཁམས་ཐམས་ཅད་མ་ལུས་པའི་འདུ་བ་དང་འཇིག་པ་ཤིན་ཏུ་བསྟན་པའི་སྒོར་མཐའ་ཡས་པའོ། །སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་རྣམ་པར་དག་པ་ནི་བྱང་ཆུབ་སེམས་དཔའི་བསམ་པ་དང་མོས་
D44.037.0010a02.01པ་ཇི་ལྟ་བ་བཞིན་དུ་ཡོངས་སུ་བསྟན་པའི་སྒོར་མཐའ་ཡས་པའོ། །སངས་རྒྱས་བཅོམ་ལྡན་འདས་རྣམས་ཀྱི་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་གཅིག་ནས་གཅིག་ཏུ་བརྒྱུད་པ་
D44.037.0010a03.01ནི་བསྐལ་པ་ཡངས་པ་དེ་དང་དེ་དག་ཏུ་བསྟན་ཅིང་བརྗོད་པ་དང་། ཡོངས་སུ་བཤད་པས། སངས་རྒྱས་ཀྱི་ཡེ་ཤེས་ཐམས་ཅད་ཁོང་དུ་ཆུད་པར་བྱ་བའི་སྒོར་མཐའ་ཡས་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་
D44.037.0010a04.01ཀྱི་སངས་རྒྱས་ཀྱི་ཆོས་མཐའ་ཡས་པ་ཤིན་ཏུ་བསྟན་པའི་སྒོའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་སེམས་ཅན་རྣམས་ལ་སྒྲུབ་པ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་
D44.037.0010a05.01འདས་རྣམས་ཀྱི་སྐུ་ཡོངས་སུ་བསྟན་པ་ནི་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །སངས་རྒྱས་བཅོམ་ལྡན་འདས་རྣམས་ཀྱི་གསུང་ཡང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །སངས་རྒྱས་བཅོམ་ལྡན་འདས་
D44.037.0010a06.01རྣམས་ལེན་པ་མཛད་པ་ཡང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །སངས་རྒྱས་བཅོམ་ལྡན་འདས་རྣམས་ལེན་པ་མི་མཛད་པ་ཡང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །ས་དང་ཆུ་དང་{མྱེ་,མེ་}དང་། རླུང་གིས་
D44.037.0010a07.01