完整藏文原文 · 德格版页 当前仅加载第 37 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་ཀྱི་བསམ་པ་ཆོས་ཇི་སྐད་དུ་ཐོས་པ་ཡོངས་སུ་མི་གཏོང་བས། ཤིན་ཏུ་ཟིན་པར་ཡང་དག་པར་འཛིན་པ་དང་། བྱང་ཆུབ་སེམས་དཔའ་རྣམས་ཀྱི་བསམ་པ་སྐྱེ་བའི་སྐྱེ་མཆེད་ཐམས་ཅད་ཀྱིས་མ་གོས་པས་ཡོངས་སུ་ཉམས་པ་མེད་པ་དང་། བྱང་
D44.037.0214b01.01ཆུབ་སེམས་དཔའ་རྣམས་ཀྱི་བསམ་པ་ཡེ་ཤེས་ཕྲ་བ་ལ་ཞུགས་པའི་ཕྱིར་ཟབ་པ་དང་། བྱང་ཆུབ་སེམས་དཔའ་རྣམས་ཀྱི་བསམ་པ་སངས་རྒྱས་ཀྱི་ཆོས་ཐམས་ཅད་ལ་ཤིན་ཏུ་བརྩོན་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་
D44.037.0214b02.01ཀྱི་བསམ་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཐམས་ཅད་མཁྱེན་པའི་དགོངས་པ་བླ་ན་མེད་པ་ཡོངས་སུ་རྫོགས་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་
D44.037.0214b03.01པ་སྟེ། བཅུ་གང་ཞེ་ན་འདི་ལྟར་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་དགེ་བའི་རྩ་བ་ཐམས་ཅད་བསྩགས་པ་ལ་ཕྱིར་མི་ལྡོག་པར་དབང་བསྒྱུར་བ་དང་། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་དེ་བཞིན་གཤེགས་པ་ཐམས་
D44.037.0214b04.01ཅད་ཀྱི་དགོངས་པའི་ཚུལ་བསྟན་པ་ལ་ནེམ་ནུར་མེད་པ་དང་། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་སྨོན་ལམ་དང་སྤྱོད་པ་ཆེན་པོའི་རྒྱུན་ཡོངས་སུ་འཛིན་པ་དང་། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་སངས་རྒྱས་ཀྱི་ཆོས་
D44.037.0214b05.01ཐམས་ཅད་ལ་འཇུག་པར་བྱ་བ་ལ་ཕུལ་དུ་ཕྱིན་པ་དང་། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་སངས་རྒྱས་ཀྱི་ཆོས་ཐམས་ཅད་ལ་དབང་བསྒྱུར་བས་མངོན་སུམ་དུ་གྱུར་བ་དང་། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་ཆོས་སྣ་
D44.037.0214b06.01ཚོགས་ཀྱི་ཚུལ་ལ་རབ་ཏུ་ཞུགས་པས། རྒྱ་ཆེ་བ་དང་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་བརྩམས་པ་ཐམས་ཅད་མཐར་ཕྱིན་པར་བྱེད་པས་གཙོ་བོར་གྱུར་པ་དང་། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་ཏིང་ངེ་འཛིན་དང་།
D44.037.0214b07.01