完整藏文原文 · 德格版页 当前仅加载第 36 函德格 393a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་དབྱེ་བ་བརྗོད་དུ་མེད། །ཞིང་རྣམས་རྒྱ་མཚོ་དེ་བཞིན་བརྗོད་དུ་མེད། །ཞིང་རྣམས་རེ་རེ་དེ་བཞིན་གཤེགས་པ་རྣམས། །བརྗོད་དུ་མེད་པ་རྣམ་པར་བརྟག་བྱས་ཏེ། །ཞིང་གཅིག་ཇི་བཞིན་དེ་བཞིན་ཞིང་ཀུན་ཏུ། །
D44.036.0393a01.01དེ་དག་བརྗོད་དུ་མེད་པའི་ལུས་སུ་འབྱུང་། །དེ་དག་སྤྱོད་པའི་མཐུ་ནི་བརྗོད་དུ་མེད་པ་སྟེ། །ཁྱད་པར་འཕགས་ཆོས་དེ་བཞིན་བརྗོད་དུ་མེད། །དེ་དག་རྫུ་འཕྲུལ་བརྗོད་དུ་མེད་པ་སྟེ། །ཆགས་མེད་ཉིད་ཀྱང་དེ་བཞིན་བརྗོད་དུ་མེད། །སྐྲ་ལ་
D44.036.0393a02.01འཇུག་པ་བརྗོད་དུ་མེད་པ་སྟེ། །སྐྲ་ལ་བརྟེན་པ་དེ་བཞིན་བརྗོད་དུ་མེད། །དེ་དག་སྟོབས་བཅུ་བརྗོད་དུ་མེད་པ་སྟེ། །བྱང་ཆུབ་འཚང་རྒྱ་དེ་བཞིན་བརྗོད་དུ་མེད། །རྟོགས་པ་དག་པ་བརྗོད་དུ་མེད་པ་སྟེ། །ཆོས་
D44.036.0393a03.01དབྱིངས་ཡོངས་སུ་གནོན་པ་བརྗོད་དུ་མེད། །དེ་དག་མཛོད་ཤེས་བརྗོད་དུ་མེད་པ་སྟེ། །དེ་དག་ཉིད་ཀྱང་བརྗོད་དུ་མེད་པ་ཡིན། །ཚད་དང་གྲངས་ཀྱང་བརྗོད་དུ་མེད་པ་སྟེ། །བརྟན་པ་དེ་དག་ཚུལ་བཞིན་རྟོགས་པར་བྱེད། །
D44.036.0393a04.01མགོན་པོའི་ཚུལ་རྣམས་བརྗོད་དུ་མེད་པ་དག །རྣམ་པ་ཚད་མེད་བརྟན་པ་ཡོངས་སུ་གནོན། །ཏིང་འཛིན་ཐ་དད་རྣམ་པ་སྣ་ཚོགས་རྣམས། །བརྗོད་དུ་མེད་པ་དེ་དག་རབ་ཏུ་འཇུག །སྤྱོད་པ་རྣམ་དག་བརྗོད་དུ་མེད་པ་
D44.036.0393a05.01སྟེ། །བརྗོད་དུ་མེད་པའི་རྒྱལ་བ་མངོན་དུ་འགྱུར། །ཆགས་མེད་སེམས་ཀྱང་བརྗོད་དུ་མེད་པ་སྟེ། །བརྗོད་དུ་མེད་པའི་གནས་ཀྱང་རྣམ་པར་གནོན། །སྤྱོད་པ་མཐའ་ཡས་བརྗོད་དུ་མེད་པ་སྟེ། །རྫུ་འཕྲུལ་བརྗོད་
D44.036.0393a06.01དུ་མེད་པའང་རབ་ཏུ་སྟོན། །ཞིང་རྣམས་བརྗོད་དུ་མེད་པ་ཤིན་ཏུ་ཤེས། །དེ་ཕྱིར་སངས་རྒྱས་བརྗོད་དུ་མེད་པ་མཐོང་། །སྤྱོད་པའི་མཐུ་ནི་བརྗོད་དུ་མེད་པ་ཡིས། །ཡེ་ཤེས་བརྗོད་དུ་མེད་པ་ཁོང་དུ་ཆུད། །དེ་ལ་འགྲོ་བ་མེད་ཅིང་
D44.036.0393a07.01