完整藏文原文 · 德格版页 当前仅加载第 36 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
དཔས་ནི་དགེ་བའི་རྩ་བ་རྣམས་གནོད་པ་མེད་པས་ཡོངས་སུ་བསྔོ་བར་བྱའོ། །བྱང་ཆུབ་སེམས་དཔས་ནི་དགེ་བའི་རྩ་བ་རྣམས་ང་རྒྱལ་མེད་པས་ཡོངས་སུ་བསྔོ་བར་བྱའོ། །བྱང་ཆུབ་སེམས་དཔས་ནི་དགེ་བའི་རྩ་བ་རྣམས་གཡོ་མེད་པས་
D44.036.0150a01.01ཡོངས་སུ་བསྔོ་བར་བྱའོ། །བྱང་ཆུབ་སེམས་དཔས་ནི་དགེ་བའི་རྩ་བ་རྣམས་དྲང་པོས་ཡོངས་སུ་བསྔོ་བར་བྱའོ། །བྱང་ཆུབ་སེམས་དཔས་ནི་དགེ་བའི་རྩ་བ་རྣམས་རིག་པས་ཡོངས་སུ་བསྔོ་བར་བྱའོ། །བྱང་ཆུབ་སེམས་དཔས་ནི་དགེ་བའི་རྩ་བ་རྣམས་
D44.036.0150a02.01མངོན་པར་བརྩོན་པས་ཡོངས་སུ་བསྔོ་བར་བྱ་སྟེ། དེ་དེ་ལྟར་ཡོངས་སུ་བསྔོ་བས་སེམས་རབ་ཏུ་དད་པ་འཐོབ་བོ། །བྱང་ཆུབ་སེམས་དཔའི་སྤྱོད་པ་ལ་གོ་སྐབས་དབྱེ་བ་འཐོབ་བོ། །བྱང་ཆུབ་སེམས་དཔའི་ལམ་རྣམ་པར་དག་པར་འགྱུར་རོ། །དེ་
D44.036.0150a03.01བཞིན་གཤེགས་པའི་རིགས་སུ་འཇུག་པར་འགྱུར་རོ། །སངས་རྒྱས་ཀྱི་ཡེ་ཤེས་རབ་ཏུ་འགྲུབ་པར་འགྱུར་རོ། །འཇིག་རྟེན་གྱི་ཉེས་པ་ཐམས་ཅད་རབ་ཏུ་སྤོང་ངོ་། །བདུད་ཀྱི་ལས་ཐམས་ཅད་རབ་ཏུ་སྤོང་ངོ་། །དགེ་བའི་གཤེས་གཉེན་ཐམས་ཅད་རབ་ཏུ་
D44.036.0150a04.01དགའ་བར་བྱེད་དོ། །བདག་གི་སྨོན་ལམ་ཆེན་པོ་ཡོངས་སུ་རྫོགས་པར་བྱེད་དོ། །སེམས་ཅན་ཐམས་ཅད་གཉེར་བ་ཆེན་པོས་ཤིན་ཏུ་འབོད་པ་ཡིན་ནོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་སྦྱིན་པས་འབྱུང་བ་ལ་{སྩོགས་,སོགས་}པའི་
D44.036.0150a05.01དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་ཀྱིས་ཆོས་ཀྱི་དབྱིངས་རྣམ་པར་དག་པ་ཐོབ་པར་གྱུར་ཅིག །སེམས་ཅན་ཐམས་ཅད་ཀྱིས་དབྱངས་སྙན་པ་དང་། ཡེ་ཤེས་ཀྱི་རྔའི་དབྱངས་དང་། ཐམས་ཅད་དུ་
D44.036.0150a06.01བསམ་གྱིས་མི་ཁྱབ་ཅིང་འཕགས་པའི་དབྱངས་དང་། ཡིད་དུ་འོང་བའི་དབྱངས་དང་། དག་པའི་དབྱངས་དང་། ཞིང་ཐམས་ཅད་དུ་སྒྲས་རྒྱས་པར་འགེངས་པའི་དབྱངས་དང་། ཡོན་ཏན་བྱེ་བ་བརྒྱ་སྟོང་བརྗོད་དུ་མེད་པའི་རྒྱན་གྱིས་བརྒྱན་པའི་དབྱངས་དང་། སྒྲ་མཐོ་བ་དང་། སྒྲ་ཆེ་བས་རྣམ་པར་འཁྲུག་པ་
D44.036.0150a07.01