完整藏文原文 · 德格版页 当前仅加载第 36 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའི་ཚུལ་དུ་རི་མཚམས་དེ་དག་ཏུ་ཉི་མའི་གཟུགས་བརྙན་ཤར་ཅིང་རིན་པོ་ཆེའི་རི་དེ་དག་ལ་ཉི་མའི་གཟུགས་བརྙན་འབྱུང་བས་དེའི་ཕྱིར་རིན་པོ་ཆེའི་རི་རྣམས་ལས་ཉི་མ་འཆར་ཞེས་བྱའོ། །དེ་ལྟར་གཅིག་ནས་གཅིག་ཏུ་སྣང་
D44.036.0302a01.01བ་རྣམ་པར་དམིགས་པར་བརྒྱུད་པས་ཉི་མའི་དཀྱིལ་འཁོར་གྱི་མཐར་ཐུག་པ་མེད་དེ། དེ་ལྟར་སྣང་བ་ཡང་དངོས་པོ་ཡང་མ་ཡིན། དངོས་པོ་མ་ཡིན་པའང་མ་ཡིན། ཡོད་པའང་མ་ཡིན། མེད་པའང་མ་ཡིན། རི་རྣམས་ལ་གནས་པའང་མ་ཡིན་
D44.036.0302a02.01ནང་དུ་ཕྱིན་པ་འང་མ་ཡིན། ཕྱི་རོལ་ན་གནས་པ་འང་མ་ཡིན། དེ་དག་དང་བྲལ་བར་གནས་པ་འང་མ་ཡིན་ནོ། །ཀྱེ་རྒྱལ་བའི་སྲས་དག་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་སེམས་དཔའི་ཏིང་ངེ་འཛིན་འདི་ལ་
D44.036.0302a03.01གནས་པ་ཡང་འཇིག་རྟེན་གྱི་ཁམས་རྣམ་པར་དམིགས་པ་འཇིག་པར་ཡང་མི་བྱེད་དོ། །ཆོས་རྣམས་ཀྱི་རང་བཞིན་ཡང་ཡོངས་སུ་མི་སྤོང་ངོ་། །བྱང་ཆུབ་སེམས་དཔའ་དེ་ཉིད་འཇིག་རྟེན་གྱི་ཁམས་ཀྱི་ནང་དུ་ཕྱིན་པ་འང་མ་ཡིན་ནོ། །བྱང་ཆུབ་སེམས་
D44.036.0302a04.01དཔའ་དེ་འཇིག་རྟེན་གྱི་ཁམས་རྣམ་པར་དམིགས་པའི་ཕྱི་རོལ་ན་འདུག་པ་འང་མ་ཡིན་ནོ། །བྱང་ཆུབ་སེམས་དཔའ་དེ་འཇིག་རྟེན་གྱི་ཁམས་ལ་ཡང་མི་རྟོག་སྟེ། བྱང་ཆུབ་སེམས་དཔའ་དེ་འཇིག་རྟེན་གྱི་ཁམས་ལ་རྣམ་པར་རྟོག་པ་འང་མ་ཡིན་ནོ། །བྱང་ཆུབ་སེམས་
D44.036.0302a05.01དཔའ་དེ་འཇིག་རྟེན་གྱི་ཁམས་ཀྱི་མཚན་མ་རྣམ་པར་འཇིག་པར་བྱེད་པ་ཡང་མ་ཡིན་ནོ། །ཆོས་ཐམས་ཅད་ཀྱི་མཚན་ཉིད་གཅིག་པོ་ཡང་མཚན་ཉིད་མེད་པ་ལས་རྣམ་པར་མི་ཟློག་སྟེ། བྱང་ཆུབ་སེམས་དཔའ་དེ་ཡང་ཆོས་རྣམ་པར་དབྱེ་བ་འཁྲུག་པར་མི་བྱེད་དོ། །བྱང་ཆུབ་སེམས་དཔའ་
D44.036.0302a06.01དེ་དེ་བཞིན་ཉིད་ཀྱི་རང་བཞིན་གནས་པ་དེ་ལས་ཀྱང་ཕྱིར་མི་ལྡོག་གོ །ཀྱེ་རྒྱལ་བའི་སྲས་དག་འདི་ལྟ་སྟེ་དཔེར་ན། སྒྱུ་མའི་གཙུག་ལག་མིག་འཕྲུལ་ཞེས་བྱ་བ་འཇིག་རྟེན་ན་ཡོད་དེ། སྒྱུ་མའི་མཁན་པོ་སྒྱུ་མའི་གཙུག་ལག་དེ་ལ་ཤིན་ཏུ་བསླབས་ཤིང་
D44.036.0302a07.01