完整藏文原文 · 德格版页 当前仅加载第 36 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པའི་ཆོས་སྣང་བ་དང་ལྡན་པས་གཟུངས་ཀྱི་སྙིང་པོས་ལུས་ཀྱི་ནང་རྣམ་པར་དག་པར་གྱུར་ཅིག །སེམས་ཅན་ཐམས་ཅད་ནང་གི་བསམ་པའི་རྒྱུད་ཤིན་ཏུ་སྦྱངས་པས་ལུས་ཡོངས་སུ་དག་པ་དང་ལྡན་པར་གྱུར་ཅིག །སེམས་ཅན་ཐམས་ཅད་ཡེ་
D44.036.0060b01.01ཤེས་ཀྱིས་ངོམས་པར་བྱེད་པའི་ཆོས་ཀྱི་སྤྲིན་གྱི་ཆར་རབ་ཏུ་འབེབས་པས་དེ་བཞིན་གཤེགས་པའི་སྐུ་དང་ཡེ་ཤེས་ཀྱི་རྣལ་འབྱོར་ཁོང་དུ་ཆུད་པར་གྱུར་ཅིག །སེམས་ཅན་ཐམས་ཅད་ཕྱི་རོལ་གྱི་ལུས་འགྲོ་བ་ཐམས་ཅད་ལ་ཡེ་ཤེས་ཀྱི་རྒྱལ་མཚན་མཛེས་
D44.036.0060b02.01ཤིང་སྣང་བར་གྱུར་པས་ནང་གི་ལུས་དག་ཅིང་ཞི་བར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱུ་མ་དང་། མཆིན་པ་དང་། མཁལ་མ་དང་། གློ་བ་དེ་དག་རང་གི་ལུས་ལས་སློང་བ་རྣམས་ལ་ཡོངས་སུ་གཏོང་བའི་ཚེ།
D44.036.0060b03.01དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱི་ལུས་ཕྱི་ནང་ཡོངས་སུ་དག་ཅིང་བསྒྲིབས་པ་མེད་པའི་ཡེ་ཤེས་ལ་རབ་ཏུ་འཁོད་པ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་བྱང་ཆུབ་སེམས་དཔའ་
D44.036.0060b04.01ཆོས་(གྱི་,ཀྱི་)འབྱུང་གནས་དང་། རྒྱལ་པོ་སྐར་མའི་འོད་དང་། དེ་མ་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་གིས་ཀྱང་ཡན་ལག་དང་ཉིང་ལག་དང་། རུས་པ་སློང་བ་རྣམས་ལ་ཡོངས་སུ་བཏང་བར་གྱུར་པ་དེ་ལྟར་ཡན་ལག་དང་། ཉིང་
D44.036.0060b05.01ལག་དང་། རུས་པ་བསླངས་པ་ན། སློང་བ་རྣམས་ལ་གཏོང་བའི་ཚེ། སློང་བ་མཐོང་མ་ཐག་ཏུ་སེམས་དགའ་བ་དང་། སེམས་མོས་པ་དང་། སེམས་དད་པ་དང་། སེམས་རབ་ཏུ་སྤྲོ་བ་དང་། སེམས་འཐད་པ་དང་། བྱམས་པའི་
D44.036.0060b06.01སེམས་དང་། ཆགས་པ་མེད་པའི་སེམས་དང་། དག་པའི་སེམས་དང་། སློང་བ་རྣམས་ལ་རིམ་གྲོར་བྱ་བའི་སེམས་རབ་ཏུ་འཐོབ་སྟེ། དེ་ཡན་ལག་དང་ཉིང་ལག་དང་། རུས་པ་དེ་དག་བསླངས་པས་སློང་བ་ལ་ཡོངས་སུ་གཏོང་བའི་ཚེ། དགེ་བའི་རྩ་
D44.036.0060b07.01