sangs rgyas phal po che zhes bya ba shin tu rgyas pa chen po'i mdo/
当前为德格木刻版 313b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 313b
- 可引用原文
- 7 行
- 全文规模
- 全经 21606 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 36 函 · 德格 313b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སངས་རྒྱས་ཀྱི་མཛད་པ་བྱེད་པ་ཡིན། བྱང་ཆུབ་སེམས་དཔའ་ནི་བྱིན་གྱི་རླབས་ཀྱིས་ཀྱང་སེམས་ཅན་རྣམས་ཀྱི་དྲན་པ་ཉམས་པར་མི་འགྱུར་བའི་ཕྱིར། སངས་རྒྱས་ཀྱི་མཛད་པ་བྱེད་པ་ཡིན། བྱང་ཆུབ་སེམས་དཔའ་ནི་རྨི་ལམ་དུ་མཐོང་བས་ཀྱང་སེམས་ཅན་རྣམས་ཀྱི་དྲན་པ་ཉམས་པར་མི་འགྱུར་བའི་ཕྱིར། སངས་རྒྱས་ཀྱི་མཛད་པ་བྱེད་པ་ཡིན། བྱང་ཆུབ་སེམས་དཔའ་ནི་འོད་ཀྱི་དཀྱིལ་འཁོར་འགྱེད་པས་ཀྱང་སེམས་ཅན་རྣམས་ཀྱི་དྲན་པ་ཉམས་པར་མི་འགྱུར་བའི་ཕྱིར། སངས་རྒྱས་ཀྱི་མཛད་པ་བྱེད་པ་ཡིན། བྱང་ཆུབ་སེམས་དཔའ་ནི་བྱང་ཆུབ་སེམས་དཔའི་སྤྱོད་པ་ཡང་དག་པར་སྟོན་པས་ཀྱང་སེམས་ཅན་རྣམས་སྨོན་ལམ་གྱི་ཁྱད་པར་ལ་རབ་ཏུ་གཞོག་
པས་སངས་རྒྱས་ཀྱི་མཛད་པ་བྱེད་པ་ཡིན། བྱང་ཆུབ་སེམས་དཔའ་ནི་མངོན་པར་འཚང་རྒྱ་བས་ཀྱང་སེམས་ཅན་རྣམས་ཆོས་ཁོང་དུ་ཆུད་པར་རྟོགས་པར་འགྱུར་བའི་ཕྱིར་སངས་རྒྱས་ཀྱི་མཛད་པ་བྱེད་པ་ཡིན། བྱང་ཆུབ་སེམས་དཔའ་ནི་མྱ་ངན་ལས་འདས་པ་སྟོན་པས་ཀྱང་སེམས་ཅན་མི་དགའ་བ་བསྟན་པས་ཤིན་ཏུ་རྟོགས་པར་བྱེད་པའི་ཕྱིར། སངས་རྒྱས་ཀྱི་མཛད་པ་བྱེད་པ་ཡིན་ཏེ། ཀྱེ་རྒྱལ་བའི་སྲས་དག །འདི་དག་ནི་བྱང་ཆུབ་སེམས་དཔའ་སེམས་ཅན་རྣམས་ལ་སངས་རྒྱས་ཀྱི་མཛད་པ་བཅུ་བྱེད་པའོ། །ཀྱེ་རྒྱལ་བའི་སྲས་དག །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཏིང་ངེ་འཛིན་ཆེན་པོ་ལུས་ཡང་དག་པར་འདྲེས་པ་ཞེས་བྱ་བ་ལ་སྙོམས་པར་འཇུག་སྟེ། ལུས་ཡང་
དག་པར་འདྲེས་པ་དེས་མི་གནས་པ་བཅུ་ཡོངས་སུ་རྫོགས་པར་བྱེད་དོ། །བཅུ་གང་ཞེ་ན་འདི་ལྟ་སྟེ། འཇིག་རྟེན་གྱི་ཁམས་ཐམས་ཅད་ལ་མི་གནས་པ་དང་། ཕྱོགས་ཐམས་ཅད་ལ་མི་གནས་པ་དང་། བསྐལ་པ་ཐམས་ཅད་ལ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D44
- 德格版页
- 313b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0044 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。