完整藏文原文 · 德格版页 当前仅加载第 36 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལྷ་མ་ཡིན་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ལྷ་མ་ཡིན་རྫུ་འཕྲུལ་ཆེན་པོ་ཅན་བགྲངས་པས་ཟད་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའི་ས་ལེགས་པའི་བློ་གྲོས་ལ་གནས་པའི་བྱང་ཆུབ་སེམས་
D44.036.0277b01.01དཔའ་ཡང་སེམས་ཅན་འབྱུང་བ་དང་། འཇིག་པ་ཤེས་པའི་རྒྱུད་ཐམས་ཅད་ཀྱི་འབྱུང་གནས་ཡིན་ཏེ། འགྲོ་བ་ཐམས་ཅད་འབྱུང་བ་ཡོངས་སུ་དྲིས་པ་བསྟན་པས་ཟད་པ་མེད་དོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། རིའི་རྒྱལ་པོ་ཆེན་པོ་རི་རབ་ནི་
D44.036.0277b02.01རིན་པོ་ཆེའི་རང་བཞིན་རྣམ་པར་དག་པ་ལྷ་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ལྷ་རྫུ་འཕྲུལ་ཆེན་པོ་ཅན་བགྲངས་པས་ཟད་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའི་ས་ཆོས་ཀྱི་སྤྲིན་ལ་གནས་པའི་བྱང་ཆུབ་
D44.036.0277b03.01སེམས་དཔའ་ཡང་དེ་བཞིན་གཤེགས་པའི་སྟོབས་དང་། {མྱི་,མི་}འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་འབྱུང་གནས་ཡིན་ཏེ། སངས་རྒྱས་ཀྱི་འཕྲིན་ལས་ཡང་དག་པར་བསྟན་པ་ཡོངས་སུ་དྲིས་པ་བསྟན་པས་ཟད་པ་མེད་དོ། །ཀྱེ་རྒྱལ་བའི་སྲས་
D44.036.0277b04.01ཇི་ལྟར་རིན་པོ་ཆེའི་རི་ཆེན་པོ་དེ་དག་རྒྱ་མཚོ་ཆེན་པོ་ལས་བྱུང་ཞིང་རྒྱ་མཚོ་ཆེན་པོ་ལས་སྨོས་པ་དེ་བཞིན་དུ། ཀྱེ་རྒྱལ་བའི་སྲས་བྱང་ཆུབ་སེམས་དཔའི་ས་བཅུ་པོ་འདི་དག་ཀྱང་ཐམས་ཅད་མཁྱེན་པ་ཉིད་ལས་བྱུང་ངོ་། །ཐམས་ཅད་མཁྱེན་པ་ཉིད་ལས་སྨོས་པའོ། །ཀྱེ་རྒྱལ་བའི་
D44.036.0277b05.01སྲས་འདི་ལྟ་སྟེ་དཔེར་ན། རྒྱ་མཚོ་ཆེན་པོ་ནི་རྣམ་པ་བཅུས་མི་འཕྲོགས་པའི་ཕྱིར་རྒྱ་མཚོའི་གྲངས་སུ་འགྲོ་སྟེ། བཅུ་གང་ཞེ་ན་འདི་ལྟ་སྟེ། རིམ་གྱིས་གཞོལ་བ་དང་། ཤི་བའི་རོ་དང་{མྱི་,མི་}འགོགས་པ་དང་། ཆུ་གཞན་གྱི་གྲངས་ཡོངས་སུ་སྤངས་
D44.036.0277b06.01པ་དང་། རོ་གཅིག་པ་དང་། རིན་པོ་ཆེ་མང་བ་དང་། ཟབ་ཅིང་གཏིང་རིང་བ་དང་། ཡངས་ཤིང་ཚད་མེད་པ་དང་། འབྱུང་བོ་མང་པོའི་གནས་སུ་གྱུར་པ་དང་། དབྲེས་ཀྱི་ཚུལ་ལས་མི་འདའ་བ་དང་། སྤྲིན་ཆེན་པོའི་ཆར་ཐམས་ཅད་ཡོངས་སུ་
D44.036.0277b07.01