完整藏文原文 · 德格版页 当前仅加载第 36 函德格 369a 版页；藏文 NFD、目录标记与异常页序保留在来源切片中，重复版页行以稳定序号区分。
བ་མེད་པའོ། །གང་མངོན་པར་འདུ་བྱ་བ་མེད་པ་དེ་ནི་སྨོན་པ་མེད་པའོ། །གང་སྨོན་པ་མེད་པ་དེ་ནི་གནས་པ་མེད་ཅིང་ལེན་པ་མེད་པ་སྟེ། ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་
D44.036.0369a01.01པོ་རྣམས་ཀྱི་མི་སྐྱེ་བའི་ཆོས་ཀྱི་བཟོད་པ་ཐོབ་པ་སྟེ་གསུམ་པའོ། །ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྒྱུ་མ་ལྟ་བུའི་བཟོད་པ་ཐོབ་པ་བཞི་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་
D44.036.0369a02.01དཔའ་སེམས་དཔའ་ཆེན་པོ་ཆོས་ཐམས་ཅད་རྟེན་ཅིང་འབྲེལ་པར་འབྱུང་བའི་ཚུལ་གྱིས་སྒྱུ་མ་ལྟ་བུར་འཇུག་སྟེ། ཆོས་ཀྱི་རྣམ་པ་གཅིག་ལ་རྣམ་པ་མང་པོར་མོས་པར་བྱེད་དོ། །ཆོས་རྣམ་པ་མང་པོ་ལ་ཆོས་ཀྱི་རྣམ་པ་གཅིག་ཏུ་མོས་པར་བྱེད་དོ། །
D44.036.0369a03.01དེ་ནི་ཆོས་དེ་དག་ལ་སྒྱུ་མའི་ཚུལ་གྱིས་ཞིང་དུའང་སྒོམ་པར་བྱེད་དོ། །སེམས་ཅན་དུ་འང་ཁོང་དུ་ཆུད་པར་བྱེད་དོ། །ཆོས་ཀྱི་དབྱིངས་སུ་ཡང་རྟོག་པར་བྱེད་དོ། །འཇིག་རྟེན་གྱི་ཁམས་སུ་ཡང་མཉམ་པར་བྱེད་དོ། །སངས་རྒྱས་
D44.036.0369a04.01སྐྱེ་བར་ཡང་མཚུངས་པར་བྱེད་དོ། །འཇུག་ཏུ་མེད་པའི་ཚུལ་གྱིས་ཀྱང་རྗེས་སུ་འཇུག་གོ །བྱིན་གྱི་རླབས་ཀྱི་ཚུལ་གྱིས་ཀྱང་མངོན་པར་སྒྲུབ་བོ། །འདི་ལྟ་སྟེ་དཔེར་ན། སྒྱུ་མ་ནི་གླང་པོའི་ལུས་ལ་ཡང་མི་གནས་སོ། །རྟའི་
D44.036.0369a05.01ལུས་ལ་ཡང་མི་གནས་སོ། །ཤིང་རྟའི་ལུས་ལ་ཡང་མི་གནས་སོ། །རྐང་ཐང་གི་ལུས་ལ་ཡང་མི་གནས་སོ། །བུད་མེད་ལ་འང་མི་གནས་སོ། །སྐྱེས་པ་ལ་འང་མི་གནས་སོ། །རོགས་པོ་ལ་འང་མི་གནས་སོ། །བུ་མོ་ལ་འང་མི་གནས་སོ། །ཤིང་ལ་འང་
D44.036.0369a06.01མི་གནས་སོ། །ལོ་མ་ལ་འང་མི་གནས་སོ། །མེ་ཏོག་ལ་འང་མི་གནས་སོ། །འབྲས་བུ་ལ་འང་མི་གནས་སོ། །ས་དང་ཆུ་དང་{མྱེ་,མེ་}དང་རླུང་ལ་འང་མི་གནས་སོ། །ཉིན་ཞག་དང་ཟླ་བ་ཡར་ཁམ་མར་ཁམ་དང་། ཟླ་བ་དང་ལོ་ལ་འང་
D44.036.0369a07.01