完整藏文原文 · 德格版页 当前仅加载第 36 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་བྱང་ཆུབ་སེམས་དཔའི་ས་གང་ཡན་ཅད་དུ། བྱང་ཆུབ་སེམས་དཔའི་འགོག་པ་ལ་སྙོམས་པར་འཇུག །བྱང་ཆུབ་སེམས་དཔའ་རྡོ་རྗེའི་སྙིང་པོས་སྨྲས་པ། ཀྱེ་རྒྱལ་བའི་སྲས་བྱང་ཆུབ་སེམས་དཔའི་
D44.036.0234b01.01ས་དྲུག་པ་ཡན་ཅད། བྱང་ཆུབ་སེམས་དཔའི་འགོག་པ་ལ་སྙོམས་པར་འཇུག་སྟེ། བྱང་ཆུབ་སེམས་དཔའི་ས་བདུན་པ་འདི་ལ་གནས་པའི་བྱང་ཆུབ་སེམས་དཔའ་ནི་སེམས་སྐད་ཅིག་རེ་རེ་ལ་ཡང་འགོག་པ་ལ་སྙོམས་པར་འཇུག་
D44.036.0234b02.01སྟེ། འགོག་པ་མངོན་དུ་བྱས་ཤེས་ནི་མི་བྱའོ། །དེ་བས་ན་དེ་ནི་བསམ་གྱིས་མི་ཁྱབ་པའི་ལུས་དང་། ངག་དང་ཡིད་ཀྱི་ལས་དང་ལྡན་ཞེས་བྱ་བ་ཡིན་ནོ། །ཀྱེ་རྒྱལ་བའི་སྲས་དག །དེ་ལྟར་བྱང་ཆུབ་སེམས་དཔའ་ཡང་དག་པའི་
D44.036.0234b03.01མཐའ་ལ་གནས་པས་ཀྱང་། གནས་ལ་ཡང་དག་པའི་མཐའ་མངོན་དུ་ཡང་མི་བྱེད་པ་ནི་ངོ་མཚར་ཆེའོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། མི་ལ་ལ་ཞིག་རྒྱ་མཚོ་ཆེན་པོའི་གྲུ་ཆེན་པོར་ཞུགས་ཏེ་རྒལ་བའི་ཐབས་ལ་མཁས་ཤིང་རླུང་ལ་
D44.036.0234b04.01མཁས་པ་དང་། ཆུ་ལ་མཁས་པ་ནི་རྒྱ་མཚོ་ཆེན་པོའི་ཆུའི་ཉེས་པས་མི་གོས་སོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ། བྱང་ཆུབ་སེམས་དཔའི་ས་བདུན་པ་འདི་ལ་གནས་ཤིང་ཕ་རོལ་ཏུ་ཕྱིན་པའི་གྲུ་ཆེན་པོར་
D44.036.0234b05.01ཞུགས་པ་ཡང་ཡང་དག་པའི་མཐའ་ལ་གནས་པས་ཀྱང་གནས་ལ་ཡང་དག་པའི་མཐའ་མངོན་དུ་ཡང་མི་བྱེད་དོ་དེ་ལྟར་དེ་ཡེ་ཤེས་ཀྱི་སྟོབས་དང་ཤུགས་ཐོབ་པ་ནི་ཏིང་ངེ་འཛིན་དང་ཡེ་ཤེས་ཀྱི་སྟོབས་དང་ཤུགས་ཀྱིས་མངོན་པར་བསྒྲུབ་པའི་བློ་དང་ཐབས་དང་ཤེས་རབ་ཀྱི་
D44.036.0234b06.01སྟོབས་དང་ཤུགས་ཆེན་པོས་འཁོར་བའི་སྒོ་ཡང་སྟོན་ལ་མྱ་ངན་ལས་འདས་པའི་བསམ་པ་དང་ཡང་མི་འབྲལ་བ་ཡིན་འཁོར་མང་པོས་ཀུན་ནས་བསྐོར་བར་སྣང་ཡང་རྟག་ཏུ་རྒྱུན་མི་འཆད་པར་སེམས་ཀྱི་དབེན་པ་ཡང་རབ་ཏུ་ཐོབ་པ་ཡིན། ཁམས་
D44.036.0234b07.01