完整藏文原文 · 德格版页 当前仅加载第 36 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པ་དེ་སྙེད་ཀྱི་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་འདས་ནས། འཇིག་རྟེན་གྱི་ཁམས་དེ་དག་ཏུའང་འཇིག་རྟེན་གྱི་ཁམས་ལ་ལར་ཉི་མ་རངས་པར་སྙོམས་པར་འཇུག་གོ །ལ་ལར་སྔ་དྲོའི་དུས་ལ་ལར་ཉི་མ་གུང་
D44.036.0305b01.01གི་དུས་ལ་ལར་ཕྱི་དྲོའི་དུས་ལ་ལར་སྔ་དྲོའི་ཐུན་གྱི་དུས། ལ་ལར་ཉི་མ་གུང་གི་ཐུན་གྱི་དུས། ལ་ལར་ཕྱི་དྲོའི་ཐུན་གྱི་དུས། ལ་ལར་སྐད་ཅིག་གཅིག་གི་དུས། ལ་ལར་ཡུད་ཙམ་ཅིག་གི་དུས། ལ་ལར་ཐང་ཅིག་གི་དུས། ལ་ལར་སྲོད་ཀྱི་དུས་
D44.036.0305b02.01ལ་ལར་ཡུད་དུ་ཡན་མན་གྱི་དུས། ལ་ལར་ཟླ་བ་གཅིག་གི་དུས། ལ་ལར་ལོའི་དུས། ལ་ལར་ལོ་བརྒྱ་སྟོང་གི་དུས། ལ་ལར་ལོ་བྱེ་བ་བརྒྱ་སྟོང་གི་དུས། ལ་ལར་ལོ་བྱེ་བ་ཁྲག་ཁྲིག་བརྒྱ་སྟོང་གི་དུས། ལ་ལར་བསྐལ་པ་གཅིག་གི་དུས།
D44.036.0305b03.01ལ་ལར་བསྐལ་པ་བརྒྱའི་དུས། ལ་ལར་བསྐལ་པ་སྟོང་གི་དུས། ལ་ལར་བསྐལ་པ་བརྒྱ་ཕྲག་སྟོང་གི་དུས། ལ་ལར་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གི་དུས། ལ་ལར་བསྐལ་པ་ཚད་མེད་པའི་དུས། ལ་ལར་བསྐལ་པ་དཔག་ཏུ་མེད་
D44.036.0305b04.01པའི་དུས། ལ་ལར་བསྐལ་པ་མུ་མེད་པའི་དུས། ལ་ལར་བསྐལ་པ་མཐའ་ཡས་པའི་དུས། ལ་ལར་བསྐལ་པ་གྲངས་མེད་པའི་དུས། ལ་ལར་བསྐལ་པ་བསམ་གྱིས་མི་ཁྱབ་པའི་དུས། ལ་ལར་བསྐལ་པ་གཞལ་དུ་མེད་པའི་དུས།
D44.036.0305b05.01ལ་ལར་བསྐལ་པ་བགྲང་དུ་མེད་པའི་དུས། ལ་ལར་བསྐལ་པས་མཚམས་མེད་པའི་དུས། ལ་ལར་བསྐལ་པ་བརྗོད་དུ་མེད་པའི་དུས་སུ་སྙོམས་པར་འཇུག་ཀྱང་། བྱང་ཆུབ་སེམས་དཔའ་དེས་ཆོས་སྒྱུ་མ་དེ་དག་རིང་དུ་གནས་པར་སེམས་པར་
D44.036.0305b06.01མི་འགྱུར་རོ། །དུས་གཞན་དུ་རྗེས་སུ་འབྲང་བར་ཡང་མི་སེམས་ཏེ། །བྱང་ཆུབ་སེམས་དཔའ་དེ་དུས་རྣམ་པ་ཐ་དད་པ་སྣ་ཚོགས་དེ་དག་ལ་མངོན་པར་ཆགས་པར་ཡང་{མྱི་,མི་}བྱེད་དོ། །མངོན་པར་ཞེན་པ་ཡང་མི་བྱེད་དོ། །དབང་དུ་ཡང་མི་བྱེད་དོ། །
D44.036.0305b07.01