完整藏文原文 · 德格版页 当前仅加载第 36 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་མཐའ་ཡས་པར་ཤིན་ཏུ་འཇུག་པ་ལ་རབ་ཏུ་གནས་པ་ཡིན། ནམ་མཁའི་དབྱིངས་ཀྱིས་ཀླས་པའི་བྱང་ཆུབ་ཀྱི་སེམས་མངོན་པར་བསྒྲུབ་པའི་མཐུས་ནམ་མཁའི་དབྱིངས་ཀྱིས་ཀླས་པར་ཆོས་ཀྱི་དབྱིངས་ཤིན་ཏུ་ཡངས་པ་ཡིན་ནོ། །ཀྱེ་རྒྱལ་བའི་སྲས་དག་
D44.036.0019b01.01འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་ལྔ་པ། བསོད་ནམས་{མྱི་,མི་}ཟད་པའི་མཛོད་ཅེས་བྱ་བ་སྟེ། དེ་ལ་གནས་པའི་བྱང་ཆུབ་སེམས་དཔའ་ནི། མི་ཟད་པའི་མཛོད་བཅུ་རབ་ཏུ་འཐོབ་བོ། །བཅུ་གང་ཞེ་ན། སྐྲའི་སྦུབས་གཅིག་ཏུ་
D44.036.0019b02.01སངས་རྒྱས་གྲངས་{མྱེད་,མེད་}པ་འབྱུང་བ་ལ་འཇུག་པའི་ཕྱིར། སངས་རྒྱས་བ་ལྟ་བའི་གཏེར་མི་ཟད་པའི་མཛོད་རབ་ཏུ་འཐོབ་བོ། །ཆོས་ཐམས་ཅད་གཅིག་ཏུ་རབ་ཏུ་གཞོལ་བའི་དེ་བཞིན་གཤེགས་པའི་སྟོབས་དང་། ཡེ་ཤེས་ཀྱི་ཕྱིར། ཆོས་ལ་འཇུག་པའི་གཏེར་
D44.036.0019b03.01{མྱི་,མི་}ཟད་པའི་མཛོད་རབ་ཏུ་འཐོབ་བོ། །དེ་བཞིན་གཤེགས་པ་ཐམས་ཅད་ཀྱིས་ཆོས་བསྟན་པ་ཡོངས་སུ་གཟུང་ཞིང་ཆུད་མི་ཟོས་པར་བྱ་བའི་ཕྱིར། དྲན་པས་བཟུང་བའི་གཏེར་{མྱི་,མི་}ཟད་པའི་མཛོད་རབ་ཏུ་འཐོབ་བོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཚུལ་
D44.036.0019b04.01དང་། དགོངས་པ་ཤིན་ཏུ་བསྟན་པ་ལ་མཁས་པར་བྱ་བའི་ཕྱིར། བློ་གྲོས་རྣམ་པར་ངེས་པའི་གཏེར་{མྱི་,མི་}ཟད་པའི་མཛོད་རབ་ཏུ་འཐོབ་བོ། །ཆོས་ཀྱི་ཚུལ་རྣམ་པར་དབྱེ་བ་ལ་མཁས་པར་བྱ་བའི་ཕྱིར། རིགས་པས་འཛིན་པའི་གཏེར་{མྱི་,མི་}ཟད་པའི་མཛོད་རབ་ཏུ་
D44.036.0019b05.01འཐོབ་བོ། །ནམ་མཁའི་དབྱིངས་དང་མཉམ་པའི་བློས་དུས་གསུམ་ཐམས་ཅད་ཁྱབ་པར་བྱ་བའི་ཕྱིར། བློ་ཚད་{མྱེད་,མེད་}པའི་གཏེར་{མྱི་,མི་}ཟད་པའི་མཛོད་རབ་ཏུ་འཐོབ་བོ། །སེམས་ཅན་ཐམས་ཅད་ཚིམ་པར་བྱ་བས་{མྱི་,མི་}ཟད་པར་བྱ་བའི་ཕྱིར། བསོད་ནམས་ཀྱི་
D44.036.0019b06.01གཏེར་{མྱི་,མི་}ཟད་བའི་མཛོད་རབ་ཏུ་འཐོབ་བོ། །སེམས་ཅན་ཐམས་ཅད་ཀྱི་མུན་པ་དང་། རབ་རིབ་དང་། ལིང་ཏོག་དང་། གཏི་མུག་དང་། མ་རིག་པའི་མུན་པ་རྣམ་པར་བསལ་བའི་ཕྱིར། ཡེ་ཤེས་དང་། དགའ་བ་དང་། བློའི་གཏེར་{མྱི་,མི་}ཟད་པའི་མཛོད་རབ་ཏུ་འཐོབ་
D44.036.0019b07.01