sangs rgyas phal po che zhes bya ba shin tu rgyas pa chen po'i mdo/
当前为德格木刻版 19a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 19a
- 可引用原文
- 7 行
- 全文规模
- 全经 21606 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 36 函 · 德格 19a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文{མྱེད་,མེད་}དོ། །ནམ་མཁའི་དབྱིངས་ཐམས་ཅད་ལ་ཡང་རབ་ཏུ་གནས་ཏེ། དེ་ཡང་ཤིན་ཏུ་ཤེས་སོ། །བསོད་ནམས་ཀྱི་སྟོབས་ཚད་{མྱེད་,མེད་}པས་དེ་བཞིན་གཤེགས་པའི་སྐུས་ཆོས་ཐམས་ཅད་གང་བར་ཤིན་ཏུ་ཤེས་སོ། །སེམས་ཅན་ཐམས་ཅད་ཚིམ་པར་བྱ་བའི་ཕྱིར། དགེ་བའི་རྩ་བ་ཐམས་ཅད་དུ་འགྲོ་བ་ལ་ཡང་དག་པར་སྤྱོད་དོ། །དེའི་སེམས་བསྐྱེད་པ་རེ་རེ་ཞིང་ཡང་སེམས་ཅན་བརྗོད་དུ་མེད་པའི་ཡང་བརྗོད་དུ་མེད་པ་སྟོབས་བཅུའི་སར་ཡང་དག་པར་འགྲུབ་བོ། །དེས་སེམས་ཅན་ཐམས་ཅད་
བསོད་ནམས་ཐམས་ཅད་ཀྱིས་ཡོངས་སུ་གཟུང་ཞིང་ཐོབ་པར་བྱ་བའི་ཕྱིར། དགེ་བའི་རྩ་བ་རྣམ་པར་དག་པ་བསོད་ནམས་ཐམས་ཅད་ཀྱི་འབྱུང་གནས་དང་ལྡན་པ། ཐམས་ཅད་རབ་ཏུ་སྒྲུབ་བོ། །དེ་ཡོ་བྱད་ཅི་འདོད་པ་ཕུན་སུམ་ཚོགས་པས། བསོད་ནམས་ཀྱི་མཛོད་ཡིད་བཞིན་གྱི་ནོར་བུ་ལྟ་བུ་དང་ལྡན་པ་ཡིན་ནོ། །དེ་གང་དང་གང་དུ་འགྲོ་བ་དེ་དང་དེ་དག་ཏུ་ཞིང་ཐམས་ཅད་རྣམ་པར་སྦྱོང་ཞིང་འགྲོའོ། །དེ་གང་དང་གང་དུ་སྤྱོད་པ་དེ་དང་དེ་དག་ཏུ་སེམས་ཅན་བརྗོད་དུ་{མྱེད་,མེད་}པའི་ཡང་བརྗོད་དུ་མེད་པ་རྣམ་པར་དག་པར་བྱ་བའི་ཕྱིར།
བསོད་ནམས་ཀྱི་སྟོབས་ཀྱིས་ཡོངས་སུ་བཟུང་བ་ལ་རབ་ཏུ་གཞོག་ཅིང་། ཡང་དག་པར་སྤྱོད་དོ། །དེ་ལྟར་ཡོངས་སུ་བསྔོ་བ་དེ་ལ་རྣམ་པ་དེ་ལྟ་བུའི་རྒྱུ་མཐུན་པས། བྱང་ཆུབ་སེམས་དཔའི་སྤྱད་པ་སྤྱོད་པ་ན་གཟུགས་{མྱེད་,མེད་}པ་ཡིན། འཇིག་རྟེན་ཐམས་ཅད་ཀྱི་ཟིལ་གྱིས་{མྱི་,མི་}ནོན་པའི་བསོད་ནམས་ཅན་ཡིན། བདུད་ཐམས་ཅད་ཀྱིས་གཟི་བརྗིད་{མྱི་,མི་}ཟད་པ་ཡིན། ཕྱིར་རྒོལ་བ་ཐམས་ཅད་ཀྱིས་དགེ་བའི་རྩ་བ་མི་འཕྲོགས་པ་ཡིན། ཐམས་ཅད་མཁྱེན་པའི་ཡིད་ཡང་དག་པར་རྟོགས་པ་དང་ལྡན་པས། སྨོན་ལམ་ཤིན་ཏུ་ཆེ་བ་དང་།
སེམས་རབ་ཏུ་ཡངས་པ་ཡིན། སེམས་བསྐྱེད་པ་གཅིག་གིས་སངས་རྒྱས་ཀྱི་ཞིང་ཚད་{མྱེད་,མེད་}པར་འགྲོ་བ་ཡིན། ཡེ་ཤེས་ཀྱི་སྟོབས་མཐའ་ཡས་པས། སངས་རྒྱས་ཐམས་ཅད་ཀྱི་ཡུལ་ཡོངས་སུ་ཤེས་པ་ཡིན། སངས་རྒྱས་ཐམས་ཅད་ལ་ཤིན་ཏུ་དད་པ་ཡིན།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D44
- 德格版页
- 19a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0044 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。