完整藏文原文 · 德格版页 当前仅加载第 36 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པར་གྱུར་ཅིག །སེམས་ཅན་ཐམས་ཅད་དུས་ལ་ཇི་ལྟར་འབབ་པར་སེམས་ཅན་ཡོངས་སུ་སྨིན་པར་བྱེད་ཅིང་། འདུལ་བ་{མྱི་,མི་}གཏོང་བའི་ཕྱིར་བསམ་གྱིས་{མྱི་,མི་}ཁྱབ་པའི་རྫུ་འཕྲུལ་གྱིས་ཁྱུ་མཆོག་གི་མཐུ་ཕྱུང་བ་ཡང་དག་པར་སྟོན་
D44.036.0035a01.01པར་གྱུར་ཅིག །སེམས་ཅན་ཐམས་ཅད་སྐད་ཅིག་གཅིག་གིས་ཆོས་ཀྱི་དབྱིངས་ཐམས་ཅད་ལ་ཆགས་པ་{མྱེད་,མེད་}ཅིང་བསྒྲིབས་པ་{མྱེད་,མེད་}པའི་ཚུལ་གྱིས་སེམས་སྐད་ཅིག་གཅིག་གིས་ཕྱོགས་ཐམས་ཅད་དུ་འགྲོ་བའི་རྫུ་འཕྲུལ་ལ་མངོན་པར་མཁས་པར་གྱུར་ཅིག་ཅེས། དེ་ལྟར་
D44.036.0035a02.01བྱང་ཆུབ་སེམས་དཔའ་སེམས་དཔའ་ཆེན་པོ་དག་འདུན་ལ་ཤིང་རྟ་འབུལ་ཞིང་ཡོངས་སུ་གཏོང་བས་ཡང་དག་པར་བཟུང་བའི་དགེ་བའི་རྩ་བ་དེ་དག་དེ་ལྟར་སེམས་ཅན་ཐམས་ཅད་བླ་ན་མེད་པའི་ཡེ་ཤེས་ཀྱི་ཤིང་རྟ་ལ་གནས་པ་རྣམ་པར་དག་པར་འགྱུར་བ་
D44.036.0035a03.01དང་། ཆོས་ཀྱི་འཁོར་ལོ་དང་། ཆོས་ཀྱི་དབྱིངས་ཐམས་ཅད་ཤེས་པའི་ཡེ་ཤེས་ཀྱི་འཁོར་ལོ་རབ་ཏུ་བསྐོར་བར་འགྱུར་བའི་ཕྱིར་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་གནས་ཀྱི་འདུ་ཤེས་ཉེ་བར་
D44.036.0035a04.01གཞག་པའི་སེམས་དང་ལྡན་པ། རིམ་གྲོ་ཅན་ཞེས་དང་ལྡན་པ། བདག་ཉིད་ཆེ་བའི་ཡོན་ཏན་རྒྱ་མཚོ་གང་ཆེན་མཚོའི་ཚུལ་ལ་མཁས་པ། ཡོན་ཏན་དང་ཡེ་ཤེས་ཀྱི་འབྱུང་གནས་ཀྱི་རིགས་དང་ལྡན་པ། དེ་བཞིན་གཤེགས་པའི་ཡོན་
D44.036.0035a05.01ཏན་ལ་རྣམ་པར་སེམས་པ། མཐུ་ཆེན་པོར་སྐྱེས་པ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་ཡོངས་སུ་བསྒོམས་པའི་སེམས་དང་ལྡན་པ། བྱང་ཆུབ་སེམས་དཔའི་སྤྱོད་པ་དུས་བརྗོད་དུ་{མྱེད་,མེད་}པ་ཐམས་ཅད་དུ་སྤྱོད་པ་རྣམ་པར་སྤྱད་པ་ལ་རབ་ཏུ་ཞུགས་པ།
D44.036.0035a06.01བདུད་ཀྱི་བཅིངས་པ་ཐམས་ཅད་ལས་སེམས་རབ་ཏུ་གྲོལ་བ། བདུད་དུ་མའི་སྡེ་དང་བདུད་ཐམས་ཅད་ཀྱི་ཤེས་པའི་སྟོབས་རབ་ཏུ་འཇོམས་པའི་སེམས་དང་ལྡན་པ་གཞལ་དུ་{མྱེད་,མེད་}པའི་ཆོས་ལ་མཁས་པས། སྣང་བར་གྱུར་པ་དེ་ཉན་ཐོས་དང་། རང་
D44.036.0035a07.01