完整藏文原文 · 德格版页 当前仅加载第 36 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་ཆོས་ཐམས་ཅད་ཀྱི་སྒོ་མི་ཟད་པ་རབ་ཏུ་ཐོབ་པར་གྱུར་ཅིག །ཆོས་ཐམས་ཅད་ཤིན་ཏུ་བསྟན་པའི་སྒོ་འགྲོ་བ་ཐམས་ཅད་ཚིམ་པར་བྱེད་པ། གཞན་གྱིས་བརྒལ་བ་ཐམས་ཅད་ལས་རྣམ་པར་འདས་པ།
D44.036.0143b01.01དོར་བ་དང་གཞག་པ་རབ་ཏུ་འགག་པ་ཐོབ་པར་གྱུར་ཅིག །དགེ་བའི་རྩ་བ་འདིས་འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱི་ཆོས་རྒྱ་མཚོ་ཤིན་ཏུ་སྟོན་པར་གྱུར་ཅིག །ཆོས་ཀྱི་སྐྱེ་གནས་རེ་རེ་དང་ཆོས་ཀྱི་ཚུལ་རེ་རེ་དང་ཆོས་རྣམ་པར་བརྗོད་པ་རེ་རེ་དང་།
D44.036.0143b02.01ཆོས་སུ་གདགས་པ་རེ་རེ་དང་། ཆོས་སུ་སྨོས་པ་རེ་རེ་དང་། ཆོས་སུ་བརྗོད་པ་རེ་རེ་དང་། ཆོས་ཀྱི་སྒོ་རེ་རེ་དང་། ཆོས་ལ་འཇུག་པ་རེ་རེ་དང་། ཆོས་བསྐྱེད་པ་རེ་རེ་དང་། ཆོས་རྣམ་པར་དགོང་པ་རེ་རེ་ལས་ཆོས་མི་ཟད་པ། མཐའ་དང་དབུས་མེད་
D44.036.0143b03.01པའི་མི་འཇིགས་པ་ལ་རབ་ཏུ་བརྩོན་པ་ཐོབ་སྟེ། ཐ་དད་པ་ཡང་དག་པར་ཤེས་པ་ལ་ཞུགས་པས་སྟོན་ཅིང་འགྲོ་བ་ཐམས་ཅད་ཀྱིས་ཕྱི་མའི་མཐར་ཐུག་པ་མི་བདེ་བ་དང་ལྡན་པ་དང་། སེམས་ཅན་ཐམས་ཅད་ལ་ལྷག་པའི་བསམ་པས་བསྟན་པར་ཡང་དག་པར་
D44.036.0143b04.01བསྒྲུབ་པའི་ཚིག་ཆགས་པ་མེད་པས་བྱུང་བ་དང་། འཁྲུལ་པ་མེད་པའི་སྤོབས་པས་འགྲོ་བ་ཐམས་ཅད་དགའ་བར་བྱེད་པའི་ཆོས་ཤིན་ཏུ་སྟོན་པ་དང་། འགྲོ་བ་ཐམས་ཅད་དུ་རྗེས་སུ་བསྒྲགས་པའི་ཆོས་ཀྱི་ཚིག་གི་ཚུལ་དང་ལྡན་པ་དང་། ཆོས་ཐམས་ཅད་ཀྱི་སྣང་བ་མཐའ་
D44.036.0143b05.01ཡས་པའི་རྒྱུན་མི་འཆད་པའི་དགའ་བའི་ཤུགས་ཡང་དག་པར་བསྐྱེད་པ་དང་། སེམས་ཅན་ཐམས་ཅད་དགའ་བ་དང་། མོས་པས་ཐམས་ཅད་མཁྱེན་པ་ཉིད་ལ་རབ་ཏུ་བཞག་པར་རྨོངས་པ་མེད་པ་དང་། ཆོས་སྣང་བའི་སྤོབས་པ་དང་ལྡན་པ་དང་།
D44.036.0143b06.01ཚིག་ཐམས་ཅད་ཡང་དག་པར་གཟུང་བའི་བྱིན་གྱི་རླབས་ཀྱིས། འཇིག་རྟེན་གྱི་ཁམས་ཐམས་ཅད་དུ་རབ་ཏུ་བརྩོན་པ་དང་། ཆོས་ཀྱི་དབྱིངས་སུ་ལུས་ཚད་མེད་པས་བྱིན་གྱིས་རློབ་པ་དང་། ཆོས་ཀྱི་དབྱིངས་སེམས་ཡངས་པ་ཚད་མེད་པས་རྒྱས་པར་འགེངས་པ་
D44.036.0143b07.01