完整藏文原文 · 德格版页 当前仅加载第 36 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་ཚད་{མྱེད་,མེད་}པ་གཞན་དག་གིས་ཀྱང་སོར་མོ་རྣམས་ཡོངས་སུ་བཏང་བར་གྱུར་པ་ལྟར་སློང་བ་ལ་རྐང་ལག་གི་སོར་མོ་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འདི་ལྟར་བསྔོ་སྟེ།
D44.036.0063a01.01སོར་མོ་བྱིན་པ་དང་། ཅི་བླངས་པའི་དངོས་པོ་བཏང་བས་ཡང་དག་པར་བསྡུས་པའི་དགེ་བའི་རྩ་བ་འདིས་སེམས་ཅན་ཐམས་ཅད་སངས་རྒྱས་ཀྱི་ཕྱག་སོར་ཐོབ་པར་གྱུར་ཏེ། སོར་མོ་རིང་བར་གྱུར་ཅིག །སེམས་ཅན་ཐམས་ཅད་སོར་མོ་རིམ་གྱིས་གཞོལ་པར་
D44.036.0063a02.01ལེགས་པར་གྲུབ་བས་སོར་མོ་ཟླུམ་པ་དང་ལྡན་པར་གྱུར་ཅིག །སེམས་ཅན་ཐམས་ཅད་སེན་མོ་གང་བའི་སོར་མོ་རྣམ་པར་དག་པ་དང་ལྡན་ཞིང་སེན་མོ་ཟངས་ཀྱི་ཁ་དོག་ལྟ་བུའི་སོར་མོ་དང་ལྡན་པར་གྱུར་ཅིག །སེམས་ཅན་ཐམས་ཅད་ཆོས་ཐམས་ཅད་
D44.036.0063a03.01འཛིན་པར་བརྩོན་པའི་སོར་མོ་དཔེ་བྱད་བཟང་པོ་དང་ལྡན་ཞིང་སྐྱེས་བུ་དཔའ་བོ་ཐམས་ཅད་མཁྱེན་པའི་སོར་མོ་དང་ལྡན་པར་གྱུར་ཅིག །སེམས་ཅན་ཐམས་ཅད་སྟོབས་བཅུའི་ཕྱག་སོར་དང་ལྡན་པར་གྱུར་ཏེ། དཔེ་བྱད་བཟང་པོས་གྲུབ་པའི་སོར་མོ་དང་ལྡན་
D44.036.0063a04.01པར་གྱུར་ཅིག །སེམས་ཅན་ཐམས་ཅད་ཤིན་ཏུ་སྦྱངས་པའི་སོར་མོ་ཚུལ་དང་མཐུན་པར་སྐྱེས་པས་སོར་མོའི་དམ་པ་དང་ལྡན་པར་གྱུར་ཅིག །སེམས་ཅན་ཐམས་ཅད་སོར་མོའི་ཆོས་ཉིད་ཀྱི་ཡན་ལག་དང་བུམ་པ་གང་བ་དང་། བཀྲ་ཤིས་ཀྱིས་རྣམ་
D44.036.0063a05.01པར་མཛེས་པ་དང་ལྡན་ཞིང་སོར་མོའི་རྩེ་མོ་ལ་འཁོར་ལོ་ཡོད་པའི་སོར་མོ་དང་ལྡན་པར་གྱུར་ཅིག །སེམས་ཅན་ཐམས་ཅད་སྟོབས་བཅུའི་ཕྱག་སོར་འཕྲིན་ལས་ཀྱི་རྣམ་པར་སྦྱིན་པ་རྒྱུ་མཐུན་པར་བྱུང་བ་ལྟ་བུ་དང་ལྡན་ཞིང་པད་མོ་བཟང་པོ་དང་། དགའ་བ་
D44.036.0063a06.01འཁྱིལ་པས་སོར་མོ་ཐམས་ཅད་ཀྱི་ཚིགས་དང་ཡན་ལག་ཤིན་ཏུ་བརྒྱན་ཅིང་དཔེ་བྱད་བཟང་པོས་མཛེས་པར་རྣམ་པར་ཕྱེ་བའི་རྒྱན་གྱིས་བརྒྱན་པའི་སོར་མོ་དང་ལྡན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་ཞིང་བརྗོད་དུ་མེད་པ་སྣང་བར་
D44.036.0063a07.01