完整藏文原文 · 德格版页 当前仅加载第 36 函德格 344b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་གཟུང་བར་བྱའོ། །སྨོན་ལམ་གྱི་ཡུལ་ལས་ཕྱིར་ལྡོག་པ་མེད་པར་བྱའོ། །འབྱུང་བའི་ཡུལ་ལ་རྟོགས་པས་གཞག་པར་བྱའོ། །རྣམ་པར་དག་པའི་ཡུལ་ལ་རབ་ཏུ་ཞེན་པར་བྱའོ། །ཕ་རོལ་ཏུ་ཕྱིན་པའི་ཡུལ་ཁོང་དུ་ཆུད་པར་བྱའོ། །
D44.036.0344b01.01སངས་རྒྱས་ཐམས་ཅད་ལ་ཤིན་ཏུ་མོས་པར་བྱའོ། །ཆོས་ཐམས་ཅད་ལ་དངོས་པོ་མེད་པའི་བདག་ཉིད་དུ་ཡང་དག་པར་འཇུག་པར་བྱའོ། །ཆོས་ཐམས་ཅད་རང་བཞིན་མེད་པ་ཁོང་དུ་ཆུད་པར་བྱའོ། །འཇིག་རྟེན་གྱི་རང་
D44.036.0344b02.01བཞིན་སྣང་བར་བྱའོ། །ཆོས་ཀྱི་འཐད་པ་རབ་ཏུ་བརྗོད་པར་བྱའོ། །ཡེ་ཤེས་ཀྱི་རང་བཞིན་ཡང་དག་པར་བསྟན་པར་བྱའོ། །གོ་ཅའི་དམ་པ་བགོས་པ་ཡོངས་སུ་མི་སྤང་བར་བྱའོ། །སྐལ་པ་མཉམ་པར་སྤྱོད་པ་རྣམས་དང་
D44.036.0344b03.01ལྷན་ཅིག་གནས་པར་བྱའོ། །སངས་རྒྱས་ཐམས་ཅད་རྗེས་སུ་དྲན་པ་ལ་སེམས་ལྷོད་པ་མེད་པར་བྱའོ། །དེ་བཞིན་གཤེགས་པ་ཐམས་ཅད་ལ་རྣམ་པར་རྟོག་པ་མེད་པར་བྱའོ། །ཆོས་ཀྱི་དབྱིངས་ཐ་དད་པ་མེད་པ་ལ་བདག་རབ་ཏུ་
D44.036.0344b04.01སྦྱར་བར་བྱའོ། །སེམས་སྒྱུ་མ་ལྟ་བུར་རབ་ཏུ་ཤེས་པར་བྱའོ། །འཇིག་རྟེན་གྱི་རྒྱུད་ཐམས་ཅད་རྨི་ལམ་ལྟ་བུར་ཁོང་དུ་ཆུད་པར་བྱའོ། །སྨོན་ལམ་དང་སངས་རྒྱས་བལྟ་བར་བྱ་བ་ཐམས་ཅད་མིག་ཡོར་ལྟ་བུར་ཤེས་པར་བྱའོ། །
D44.036.0344b05.01སློབ་པ་མེད་པའི་ཆོས་འབྱམ་ཀླས་པ། ཐམས་ཅད་སྤྲུལ་པ་ལྟ་བུར་ཤེས་པར་བྱའོ། །ཚིག་གི་ལམ་ཐམས་ཅད་སྒྲ་བརྙན་ལྟ་བུར་ཁོང་དུ་ཆུད་པར་བྱའོ། །ཆོས་ཐམས་ཅད་སྒྱུ་མ་ལྟ་བུར་རྟོགས་པར་བྱའོ། །ཤི་འཕོ་དང་སྐྱེ་བ་
D44.036.0344b06.01ཐམས་ཅད་འཁྲུལ་འཁོར་ལྟ་བུར་ཤེས་པར་བྱའོ། །སངས་རྒྱས་ཀྱི་ཞིང་དུ་འགྲོ་བ་ཐམས་ཅད་ལུས་མེད་པར་ཁོང་དུ་ཆུད་པར་བྱའོ། །དེ་བཞིན་གཤེགས་པ་ཐམས་ཅད་ལ་སངས་རྒྱས་ཀྱི་ཆོས་དྲི་བས་ཡོངས་སུ་སྐྱོ་བ་མེད་པར་བྱའོ། །
D44.036.0344b07.01