完整藏文原文 · 德格版页 当前仅加载第 36 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་ཞིང་ལེན་པ་སྣ་ཚོགས་ལ་སྦྱིན་ཞིང་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། སེམས་ཅན་ཐམས་ཅད་བདུད་རྩིའི་རོས་བརྟེན་པའི་སེམས་ཀྱིས་ངོ་བོ་བའི་མཆོག་དང་ལྡན་པར་གྱུར་ཅིག །སེམས་
D44.036.0024a01.01ཅན་ཐམས་ཅད་ཁ་ཟས་ཀྱི་རོ་ཐམས་ཅད་ཀྱི་ལས་ཡོངས་སུ་ཤེས་ཤིང་། ཆོས་ཀྱི་རོའི་ཡེ་ཤེས་ལ་རབ་ཏུ་གནས་པར་གྱུར་ཅིག །སེམས་ཅན་ཐམས་ཅད་གནས་པའི་མཐའ་ཆོས་ཀྱི་གྲོང་ཁྱེར་དུ་ཕྱིན་ཏེ། ཆོས་ཀྱི་རོ་དུ་མའི་ཆོས་ཀྱི་དབྱིངས་རབ་ཏུ་རྟོགས་པར་གྱུར་ཅིག་
D44.036.0024a02.01སེམས་ཅན་ཐམས་ཅད་ཆོས་ཀྱི་དབྱིངས་ཐམས་ཅད་དུ་རྒྱས་པར་བྱེད་པས་འགྲོ་བ་ཐམས་ཅད་ཡོངས་སུ་སྨིན་པར་བྱེད་པ་དང་། གདུལ་བ་ལ་ཞུགས་ཞིང་ཆོས་ཀྱི་སྤྲིན་གྱི་ཆར་འབེབས་པར་གྱུར་ཅིག །སེམས་ཅན་ཐམས་ཅད་བླ་ན་མེད་པའི་ཆོས་ཀྱི་དགའ་བས་རྒྱུད་ཚིམ་
D44.036.0024a03.01པར་གྱུར་ཏེ། ཡེ་ཤེས་མཆོག་གི་རོ་ལ་སེམས་རྣམ་པར་གཞོག་པར་གྱུར་ཅིག །སེམས་ཅན་ཐམས་ཅད་རོ་ཐམས་ཅད་ཀྱི་མཚན་མ་ལ་མི་འཛིན་པས། སངས་རྒྱས་ཐམས་ཅད་ཀྱི་ཆོས་ལ་བརྩོན་པའི་སེམས་དང་ལྡན་ཞིང་རོའི་མཆོག་ཐམས་ཅད་ལ་ཆགས་པ་{མྱེད་,མེད་}པར་
D44.036.0024a04.01གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་ཆོས་ཐམས་ཅད་དུ་རབ་ཏུ་འཇུག་པས་བྱུང་བས་ཆོས་ཀྱི་རོ་གཅིག་པར་གྱུར་ཅིག །སེམས་ཅན་ཐམས་ཅད། ཐམས་ཅད་མཁྱེན་པའི་ཐེག་པ་ལས་ཕྱིར་{མྱི་,མི་}ལྡོག་ཅིང་རོ་མཆོག་གི་ངོ་བོ་ཉིད་ལ་བྱུང་བར་གྱུར་
D44.036.0024a05.01ཅིག། སེམས་ཅན་ཐམས་ཅད་དབང་པོ་ཐམས་ཅད་དབྱེ་བའི་ཡེ་ཤེས་ལ་མངོན་པར་མཁས་པས་སངས་རྒྱས་ཀྱི་ཆོས་ཀྱི་རོ་ཐ་དད་པ་{མྱེད་,མེད་}པར་གྱུར་ཅིག །སེམས་ཅན་ཐམས་ཅད་བསྒྲིབས་པ་མེད་པའི་སངས་རྒྱས་ཀྱི་ཆོས་ཀྱིས་ཚིམ་པར་སྤྱོད་ཅིང་། ཆོས་ཀྱི་རོས་ཡིད་རྒྱས་
D44.036.0024a06.01པར་གྱུར་ཅིག་ཅེས། དེ་ལྟར་རོའི་སྦྱིན་པའི་ཚོགས་ལ་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོ། །སེམས་ཅན་ཐམས་ཅད་ཀྱི་ཡེ་ཤེས་ཆགས་པ་{མྱེད་,མེད་}པའི་ཕུང་པོ་སྣ་ཚོགས་བསྒྲུབ་པའི་ཕྱིར་དགེ་བའི་རྩ་བ་དེ་དག་ཡོངས་སུ་བསྔོའོ། །བྱང་
D44.036.0024a07.01