完整藏文原文 · 德格版页 当前仅加载第 36 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་བདེ་བར་བྱེད་པའི་ཆོས་སྨྲ་བར་གྱུར་ཅིག །དེ་ཡང་འདི་ལྟར་ཡོངས་སུ་བསྔོ་སྟེ། ཉམས་པ་མེད་པའི་ལས་ཀྱིས་ཡོངས་སུ་བསྔོའོ། །ཉམས་པ་མེད་པའི་རྣམ་པར་སྨིན་པས་ཡོངས་སུ་བསྔོའོ། །ཉམས་
D44.036.0147a01.01པ་མེད་པའི་སེམས་ཀྱིས་ཡོངས་སུ་བསྔོའོ། །ཉམས་པ་མེད་པའི་ཆོས་ལ་ཡོངས་སུ་བསྔོའོ། །ཉམས་པ་མེད་པའི་དངོས་པོ་ལ་ཡོངས་སུ་བསྔོའོ། །ཉམས་པ་མེད་པའི་རྒྱུ་རྣམས་ཀྱིས་ཡོངས་སུ་བསྔོའོ། །ཉམས་པ་མེད་པའི་ཆོས་ཀྱི་ལམ་
D44.036.0147a02.01གྱིས་ཡོངས་སུ་བསྔོའོ། །ཉམས་པ་མེད་པའི་མིང་མང་པོ་དང་། ཚིག་མང་པོ་དང་ཡི་གེ་མང་པོའི་ཕྱིར་ཡོངས་སུ་བསྔོའོ། །ཉམས་པ་མེད་པའི་ཡོངས་སུ་བསྔོ་བའི་ཕྱིར་ཡོངས་སུ་བསྔོའོ། །ཉམས་པ་མེད་པའི་སེམས་ཅན་གྱི་དོན་བྱ་བའི་ཕྱིར་
D44.036.0147a03.01ཡོངས་སུ་བསྔོ་སྟེ། དེ་ལྟར་བྱང་ཆུབ་སེམས་དཔའ་དགེ་བའི་རྩ་བ་དེ་དག་ཡོངས་སུ་བསྔོ་ཡང་། གཟུགས་ཀྱི་ཚུལ་ལ་ཆགས་ཤིང་ཡོངས་སུ་མི་བསྔོའོ། །འདོད་པ་ལ་གནས་པའི་སྒྲའི་དོན་དུ་ཡོངས་སུ་མི་བསྔོའོ། །དྲིའི་ཕྱིར་ཡོངས་སུ་མི་བསྔོའོ། །རོའི་
D44.036.0147a04.01ཕྱིར་ཡོངས་སུ་མི་བསྔོའོ། །རེག་བྱའི་ཕྱིར་ཡོངས་སུ་མི་བསྔོའོ། །འདོད་པ་ལ་གནས་པའི་ཆོས་རྣམས་ཀྱི་ཕྱིར་ཡང་ཡོངས་སུ་མི་བསྔོའོ། །མཐོ་རིས་སུ་སྐྱེ་བའི་ཕྱིར་ཡང་ཡོངས་སུ་{མྱི་,མི་}བསྔོའོ། །འདོད་པ་ལ་སྤྱོད་པའི་ཕྱིར་ཡང་ཡོངས་སུ་{མྱི་,མི་}བསྔོའོ། །འདོད་པའི་
D44.036.0147a05.01ཡུལ་ལ་ཆགས་པས་ཀྱང་ཡོངས་སུ་མི་བསྔོའོ། །གཡོག་འཁོར་གྱི་ཕྱིར་ཡང་ཡོངས་སུ་མི་བསྔོའོ། །དབང་ཕྱུག་དོན་དུ་གཉེར་བས་ཡོངས་སུ་མི་བསྔོའོ། །འཁོར་བའི་དགའ་བའི་དོན་དུ་ཡོངས་སུ་མི་བསྔོའོ། །འཆི་འཕོ་དང་སྐྱེ་བ་ལ་གནས་ཤིང་ཡོངས་སུ་མི་
D44.036.0147a06.01བསྔོའོ། །དངོས་པོ་ལ་མངོན་པར་མོས་ཤིང་ཡོངས་སུ་མི་བསྔོའོ། །འདོད་པ་དང་ལྡན་པར་བྱ་བའི་བསམ་པས་ཡོངས་སུ་མི་བསྔོའོ། །ཀུན་གཞི་ལ་མོས་པས་ཡོངས་སུ་མི་བསྔོའོ། །བསྟེན་པའི་སེམས་ཀྱིས་ཡོངས་སུ་མི་བསྔོའོ། །དགེ་བའི་རྩ་བ་
D44.036.0147a07.01