完整藏文原文 · 德格版页 当前仅加载第 36 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་སྨིན་པར་བྱ་བའི་སེམས་དང་། ཐམས་ཅད་མཁྱེན་པའི་ཡེ་ཤེས་ལ་རབ་ཏུ་དགོད་པའི་སེམས་ཀྱིས་ཡོངས་སུ་གཏོང་བར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་མ་འོངས་
D44.036.0097a01.01པའི་བསྐལ་པའི་མཐར་གཏོང་བ་དང་། འདོད་པའི་སྦྱིན་པ་གཏང་བའི་ཕྱིར་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་སེམས་ཅན་གྱི་ཁམས་ལས་སེམས་ཅན་གཅིག་ཀྱང་མ་ཆུད་པ་མེད་པར་བྱས་ཤིང་
D44.036.0097a02.01སེམས་ཅན་ཐམས་ཅད་ལ་འདི་ལྟར་ཡོངས་སུ་བསྔོ་སྟེ། འཇིག་རྟེན་གྱི་ཁམས་གྲངས་མེད་པ་གླང་པོ་ཅང་ཤེས་ཡན་ལག་བདུན་ཤིན་ཏུ་གནས་པ། གསེར་གྱི་རྒྱལ་མཚན་དང་། གསེར་གྱི་རྒྱན་དང་། གསེར་གྱི་དྲ་བས་གཡོགས་པ་དང་། རིན་པོ་ཆེའི་རྒྱན་
D44.036.0097a03.01ཐམས་ཅད་ཀྱིས་རབ་ཏུ་བརྒྱན་པས་ཡོངས་སུ་གང་བའི་སྦྱིན་པ་བྱེད་པར་གྱུར་ཅིག །འཇིག་རྟེན་གྱི་ཁམས་གྲངས་མེད་པ། རྟའི་རྒྱལ་པོ་སྤྲིན་ཅེས་བྱ་བ་དང་འདྲ་བ་རྟའི་རྒྱན་ཐམས་ཅད་ཀྱིས་བརྒྱན་པ། རིན་པོ་ཆེའི་རྒྱན་སྡུག་གུ་
D44.036.0097a04.01སྣ་ཚོགས་དང་། ཡན་ལག་གི་རྒྱན་སྣ་ཚོགས་ཀྱིས་བརྒྱན་པས་ཡོངས་སུ་གང་བའི་སྦྱིན་པ་བྱེད་པར་གྱུར་ཅིག །འཇིག་རྟེན་གྱི་ཁམས་གྲངས་མེད་པ་བུད་མེད་དང་རོལ་མོ་བརྡུང་བ་དང་། དཀྲོལ་བ་ཡིད་དུ་འོང་བའི་སྒྲ་
D44.036.0097a05.01དབྱངས་དང་ལྡན་པ་དང་བཅས་པས་ཡོངས་སུ་གང་བའི་སྦྱིན་པ་བྱེད་པར་གྱུར་ཅིག །འཇིག་རྟེན་གྱི་ཁམས་གྲངས་མེད་པ་བུ་དང་བུ་མོས་གང་བ་བྱང་ཆུབ་ཀྱི་སེམས་ལ་གནས་ཤིང་ཕྱི་མའི་མཐའི་བསྐལ་པའི་མུར་ཐུག་པར་སློང་བ་རེ་རེ་ལ་ཡང་
D44.036.0097a06.01ཡོངས་སུ་གཏོང་བར་གྱུར་ཅིག །འཇིག་རྟེན་གྱི་ཁམས་གྲངས་མེད་པ་རང་གི་ལུས་ཀྱིས་ཡོངས་སུ་བཀང་སྟེ་བྱང་ཆུབ་ཀྱི་སེམས་ཀྱི་སྟོབས་ཤིན་ཏུ་བདོ་བའི་ཡིད་ཀྱིས་ཡོངས་སུ་གཏོང་བར་གྱུར་ཅིག །འཇིག་རྟེན་གྱི་ཁམས་གྲངས་མེད་པ་རང་གི་
D44.036.0097a07.01