完整藏文原文 · 德格版页 当前仅加载第 36 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཤིན་ཏུ་གོམས་པ་ནི། འདོད་ན་སངས་རྒྱས་ཀྱི་ཞིང་འདི་འདྲ་བ་འཇིག་རྟེན་གྱི་ཁམས་ཆུ་ཀླུང་གང་གཱའི་བྱེ་མ་སྙེད་དམ། དེ་བས་ཀྱང་མང་དུ་རང་གི་ལུས་ལ་སྟོན་ཏོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའི་ས་ཆོས་ཀྱི་སྤྲིན་ལ་གནས་
D44.036.0272b01.01པའི་བྱང་ཆུབ་སེམས་དཔས་ནི་བྱང་ཆུབ་སེམས་དཔའི་ཏིང་ངེ་འཛིན་འདི་འདྲ་བ་བརྒྱ་སྟོང་ཤིན་ཏུ་མང་བ་རབ་ཏུ་འཐོབ་སྟེ། དེ་བས་བྱང་ཆུབ་སེམས་དཔའ་དེའི་ལུས་སམ། ལུས་ཀྱི་ལས་ནི་བྱང་ཆུབ་སེམས་དཔའ་རྒྱལ་ཚབ་ཀྱི་གོ་འཕང་ཐོབ་ཅིང་བྱང་ཆུབ་སེམས་
D44.036.0272b02.01དཔའི་ས་ལེགས་པའི་བློ་གྲོས་ལ་གནས་པ་དག་གིས་ཀྱང་ཤེས་པར་སླ་བ་མ་ཡིན་ནོ། །ངག་གམ་ངག་གི་ལས་ཀྱང་ཤེས་པར་སླ་བ་མ་ཡིན་ནོ། །ཡིད་དམ་ཡིད་ཀྱི་ལས་ཀྱང་ཤེས་པར་སླ་བ་མ་ཡིན་ནོ། །རྫུ་འཕྲུལ་ཤེས་པར་སླ་བ་མ་ཡིན་ནོ། །
D44.036.0272b03.01དུས་གསུམ་ལ་རྣམ་པར་ལྟ་བ་ཤེས་པར་སླ་བ་མ་ཡིན་ནོ། །ཏིང་ངེ་འཛིན་གྱི་སྤྱོད་ཡུལ་ལ་འཇུག་པ་ཤེས་པར་སླ་བ་མ་ཡིན་ནོ། །ཡེ་ཤེས་ཀྱི་ཡུལ་ཤེས་པར་སླ་བ་མ་ཡིན་ནོ། །རྣམ་པར་ཐར་པས་རྣམ་པར་རོལ་པ་ཤེས་པར་སླ་བ་མ་ཡིན་ནོ། །
D44.036.0272b04.01འཕྲུལ་པའི་ལས་ཤེས་པར་སླ་བ་མ་ཡིན་ནོ། །བྱིན་གྱི་རླབས་ཀྱི་ལས་ཤེས་པར་སླ་བ་མ་ཡིན་ནོ། །མཐུའི་ལས་ཤེས་པར་སླ་བ་མ་ཡིན་པ་ནས་མདོར་བསྡུ་ན་གོམ་པ་འདོར་ཞིང་འདེགས་པའི་ལས་ཀྱི་བར་དུ་ཡང་བྱང་ཆུབ་སེམས་དཔའ་
D44.036.0272b05.01རྒྱལ་ཚབ་ཀྱི་གོ་འཕང་ཐོབ་ཅིང་བྱང་ཆུབ་སེམས་དཔའི་ས་ལེགས་པའི་བློ་གྲོས་ལ་གནས་པ་རྣམས་ཀྱིས་ཀྱང་ཤེས་པར་སླ་བ་མ་ཡིན་ཏེ། ཀྱེ་རྒྱལ་བའི་སྲས་བྱང་ཆུབ་སེམས་དཔའི་ས་ཆོས་ཀྱི་སྤྲིན་འདི་ནི་མདོར་བསྡུས་ཏེ་བསྟན་ན་ཡང་དེ་ལྟར་ཚད་
D44.036.0272b06.01མེད་པ་སྟེ། རྒྱ་ཆེར་ནི་བསྐལ་པ་བརྒྱ་སྟོང་གྲངས་མེད་པས་ཀྱང་བསྟན་པའི་མཐར་ཐུག་པར་མི་འགྱུར་བར་ཤེས་པར་བྱའོ། །བྱང་ཆུབ་སེམས་དཔའ་རྣམ་པར་གྲོལ་བའི་ཟླ་བས་སྨྲས་པ། ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་
D44.036.0272b07.01