完整藏文原文 · 德格版页 当前仅加载第 36 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད། །ཆོས་ཉིད་བསམ་པ་ཡོངས་སུ་དག་བྱེད་ཅིང་། །ཆོས་ཀྱི་གཏེར་རྣམས་འགྲོ་བ་ཀུན་ལ་སྟོན། །ཆོས་ཀྱི་ཁང་པར་རྒྱལ་བས་དབང་བསྐུར་བ། །ཆོས་ཉིད་ཡེ་ཤེས་སྙིང་པོའི་ལུས་དང་ལྡན། །ཆོས་
D44.036.0164a01.01ཀྱི་མཚན་གཞི་རྟོགས་པའི་ཡེ་ཤེས་ཅན། །དེ་དག་ཆོས་ཉིད་བཟང་པོའི་ཆོས་ལ་གནས། །རྒྱལ་བ་ཀུན་གྱིས་གང་ལ་བསྟོད་མཛད་དང་། །རབ་ཀྱི་ཕུལ་གྱིས་གང་ཞིག་གནང་གྱུར་ཅིང་། །སྐྱེ་དབང་ཐམས་ཅད་གང་གིས་བསྐྱེད་གྱུར་པའི། །
D44.036.0164a02.01སྦྱིན་པ་དམ་པ་དེ་དག་སྦྱིན་པ་བྱེད། །དེ་དག་ཆོས་ཀྱི་ལུས་ལྡན་ཤེས་དང་ལྡན། །འཇིག་རྟེན་མཁས་པས་ཆོས་ཉིད་སྤྲུལ་མཛད་པས། །ཆོས་ཀྱི་སྒྲོན་མ་འགྲོ་ལ་ཕན་པའི་ཕྱིར། །དམའ་བ་མེད་པར་མཐའ་ཡས་ཆོས་སྟོན་ཏོ། །དེ་དག་
D44.036.0164a03.01ཆོས་བཟང་དམ་པ་སྦྱིན་བྱས་ནས། །དགེ་རྩ་དེ་དག་རྗེས་སུ་སེམས་བྱེད་ཅིང་། །འཇིག་རྟེན་དག་ཏུ་དགེ་བ་གང་བྱས་པ། །དེ་དག་ཡོངས་བསྔོའི་ཤེས་དང་ལྡན་པ་ཡིན། །རང་བྱུང་ཐམས་ཅད་གང་གིས་བསྐྱེད་གྱུར་པའི། །དགེ་རྩ་དེ་དག་འགྲོ་
D44.036.0164a04.01བའི་དོན་དུ་ཤེས། །ཐམས་ཅད་རྣམ་ཕྱེ་རྣམ་པར་དག་གྱུར་ཅིང་། །སངས་རྒྱས་རྒྱན་གྱིས་ཕ་རོལ་ཕྱིན་པར་བྱེད། །ཞིང་གི་རྒྱན་མང་ཤིན་ཏུ་རྒྱ་ཆེ་ཞིང་། །ཕྱོགས་རྣམས་ཀུན་ཏུ་དེ་ལ་ཚད་མེད་པས། །འཇིག་རྟེན་ཀུན་ཏུ་བསམ་ཡས་
D44.036.0164a05.01རྒྱན་ལྡན་པ། །དེ་འདྲར་ཞིང་རྣམས་མ་ལུས་ཀུན་གྱུར་ཅིང་། །སྐྱེས་བུ་འདུལ་བའི་ཡེ་ཤེས་ཇི་ཙམ་པ། །དེ་འདྲར་སེམས་ཅན་རྣམ་དག་ལྡན་གྱུར་ཏེ། །རྒྱལ་བའི་སྲས་པོ་བཟང་པོ་ཇི་བཞིན་དུ། །ཡོན་ཏན་ཀུན་གྱིས་སེམས་རྒྱན་ལྡན་གྱུར་ཅིག །
D44.036.0164a06.01དེ་དག་རྣམ་འཕྲུལ་ཤིན་ཏུ་རྣམ་ཡངས་པ། །གང་གིས་འཇིག་རྟེན་མ་ལུས་རྒྱས་གང་བ། །དེ་ཡི་སྤྱོད་ལ་ཤེས་རབ་བཟང་གནས་པར། །སེམས་ཅན་ཐམས་ཅད་མ་ལུས་འགྱུར་བར་ཤོག །ཇི་སྙེད་འཇིག་རྟེན་མ་ལུས་གང་ཡང་རུང་། །
D44.036.0164a07.01