完整藏文原文 · 德格版页 当前仅加载第 36 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སྦྱང་བ་ལ་བརྩོན་པས་སེམས་ས་དང་མཉམ་པར་གྱུར་ཅིག །སེམས་ཅན་ཐམས་ཅད་སངས་རྒྱས་གཅིག་ནས་གཅིག་ཏུ་བརྒྱུད་པ་ཐམས་ཅད་དུ་བྱང་ཆུབ་སེམས་དཔའི་ས་ཐམས་ཅད་ཡང་དག་པར་བསྒྲུབ་པ་ལ་མཁས་ཤིང་སངས་རྒྱས་
D44.036.0071b01.01ཐམས་ཅད་ཀྱི་རིགས་ཡང་དག་པར་འཛིན་པ་ལ་ཞུགས་པར་གྱུར་ཅིག །སེམས་ཅན་ཐམས་ཅད་འགྲོ་བ་ཀུན་ཡོངས་སུ་སྨིན་པར་བྱ་བ་དང་། གདུལ་བ་རྣམ་པར་དག་པའི་ལམ་ལ་ཞུགས་ཏེ་གནས་སུ་རེད་པར་གྱུར་ཅིག །སེམས་ཅན་ཐམས་
D44.036.0071b02.01ཅད་སངས་རྒྱས་ཀྱི་སྟོབས་ལ་རབ་ཏུ་དགོད་པར་བརྩོན་ཞིང་སངས་རྒྱས་ལྟ་བུར་འགྲོ་བ་ཐམས་ཅད་ལ་ཕན་འདོགས་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་དགའ་བ་བླ་ན་མེད་པ་ལ་རབ་ཏུ་གཞོག་པའི་ཕྱིར། འགྲོ་བ་ཐམས་ཅད་ཀྱི་དགའ་བར་རེད་པར་གྱུར་ཅིག །
D44.036.0071b03.01སེམས་ཅན་ཐམས་ཅད་སངས་རྒྱས་ཀྱི་སྟོབས་དང་། མི་འཇིགས་པའི་ཆོས་ཀྱི་འབྱུང་གནས་སུ་གྱུར་ཏེ། རབ་ཏུ་དགོད་པ་ལ་མཁས་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ཀྱི་ཆོས་ཀྱིས་རྣམ་པར་རྩེ་ཞིང་ཡོངས་
D44.036.0071b04.01སུ་སྤྱོད་པ་ཐོབ་སྟེ། ས་ལྟ་བུའི་ཡེ་ཤེས་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་སའི་སྦྱིན་པ་ཡོངས་སུ་བཏང་བས་ཡང་དག་པར་བཟུང་བའི་དགེ་བའི་རྩ་བ་དེ་དག་ཅི་ནས་ཀྱང་སེམས་ཅན་གྱི་
D44.036.0071b05.01ཁམས་ཐམས་ཅད་ཀྱིས་དེ་བཞིན་གཤེགས་པའི་ས་ཡོངས་སུ་དག་པ། ཐམས་ཅད་རབ་ཏུ་ཐོབ་པར་བྱ་བའི་ཕྱིར་སེམས་ཅན་ཐམས་ཅད་ལ་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་
D44.036.0071b06.01བཅོམ་ལྡན་འདས་བྱུང་བ་རྣམས་ལ་རིམ་གྲོའི་དོན་དུ་བདག་གི་བྲན་དང་ལས་བྱེད་པ་རྣམས་འབུལ་བའམ། བྱང་ཆུབ་སེམས་དཔའ་དགེ་བའི་བཤེས་གཉེན་སངས་རྒྱས་ཀྱི་ཆོས་ཐམས་ཅད་ཡང་དག་པར་སྤེལ་བའི་བརྩོན་པ་རྣམས་སམ།
D44.036.0071b07.01