完整藏文原文 · 德格版页 当前仅加载第 36 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བའི་སྙིང་དང་། རྡོ་རྗེའི་གོ་ཆ་ཆེན་པོ་ཡང་དག་པར་བགོས་པའི་སྙིང་དང་། ཤིན་ཏུ་བཙུན་པའི་བྱང་ཆུབ་སེམས་དཔའི་སྙིང་དང་། སངས་རྒྱས་ཀྱི་ཆོས་ཡོངས་སུ་རྫོགས་པས་བྱང་ཆུབ་སྣང་བར་གྱུར་པའི་སྙིང་དང་། བྱང་ཆུབ་ཀྱི་ཤིང་དྲུང་དུ་འདུག་ནས་
D44.036.0059b01.01སངས་རྒྱས་ཀྱི་ཆོས་ཐམས་ཅད་རྗེས་སུ་རྟོགས་ཤིང་རྨོངས་པ་མེད་པར་ཐམས་ཅད་མཁྱེན་པ་ཉིད་དུ་མངོན་པར་འཚང་རྒྱ་བའི་སྙིང་དང་། སྟོབས་བཅུ་མངོན་པར་བྱང་ཆུབ་པ་རབ་ཏུ་འཐོབ་པའི་སྙིང་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་
D44.036.0059b02.01པོ་སྙིང་གི་སྦྱིན་པས་ཡང་དག་པར་བཟུང་བའི་དགེ་བའི་རྩ་བ་དེ་དག་སེམས་ཅན་ཐམས་ཅད་འགྲོ་བ་ཐམས་ཅད་ཀྱིས་གོས་པ་{མྱེད་,མེད་}པའི་སྟོབས་བཅུ་མངའ་བའི་ཐུགས་ཕུན་སུམ་ཚོགས་པ་ཡོངས་སུ་རྫོགས་པ་དང་ལྡན་པར་ཡོངས་སུ་བསྔོའོ། །འདི་ལྟར་ཡང་བྱང་
D44.036.0059b03.01ཆུབ་སེམས་དཔའ་སེམས་དཔའ་ཆེན་པོ་སློང་བ་མངོན་པར་དད་པར་བྱེད་པའི་ལྟ་བ་དང་གསལ་ཞིང་དགའ་བར་བྱེད་པའི་མིག་དང་བྱང་ཆུབ་དང་མཉམ་པར་བྱ་བའི་བྱམས་པ་དང་། ཅི་འདོད་པས་སློང་བ་ཕུ་དུད་དུ་བྱ་བའི་སྦྱིན་པ་དང་། རྒྱུན་{མྱི་,མི་}འཆད་པར་ཡིད་
D44.036.0059b04.01ལ་བྱེད་པའི་གཏོང་བ་དང་། ལུས་ལ་སྙིང་པོ་མེད་པར་རྟོགས་པས་སྙིང་པོ་བླང་བའི་སེམས་དང་། དང་བར་འགྱུར་བའི་ལུས་རྗེས་སུ་དྲན་པ་ཡིད་ལ་བྱེད་པ་དང་། སྤྱང་ཀི་དང་། ཝ་དང་། ཁྱིས་ཟ་བར་འགྱུར་བའི་ལུས་སུ་རབ་ཏུ་རྟོགས་པ་དང་།
D44.036.0059b05.01གཞན་ལ་རག་ལུས་ཤིང་ལུས་{མྱི་,མི་}རྟག་པར་ཡིད་ལ་བྱེད་པ་དང་། །ལུས་ཀྱི་རྒྱུས་ཐམས་ཅད་ཁོང་དུ་ཆུད་པ་དང་། གཞན་ལ་དད་པའི་སེམས་དང་དེ་ལྟ་བུའི་ཆོས་དེ་དག་ཡིད་ལ་བྱ་བ་ལ་བརྩོན་པ་དེ་ཇི་ལྟར་བྱང་ཆུབ་སེམས་དཔའ་ལེགས་པར་བྱིན་པ་དང་། རྒྱལ་པོ་སྡིག་
D44.036.0059b06.01པ་བསྩལ་བ་དང་། དེ་མ་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་གྲངས་མེད་པ་དག་གིས་ཀྱང་སློང་བ་རྣམས་ལ་རྒྱུ་མ་དང་མཆིན་པ་དང་། མཁལ་མ་དང་། གློ་བ་ཡོངས་སུ་བཏང་བར་གྱུར་པ་དེ་ལྟར་རྒྱུ་མ་དང་མཆིན་པ་དང་།
D44.036.0059b07.01