完整藏文原文 · 德格版页 当前仅加载第 36 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་སུ་མེད་པ། ཚད་མེད་པ་ཁོ་ན་མེད་པ་ལྟོད་པ་མེད་པ་བསྒྲིབས་པ་མེད་པ། གནོད་པ་མེད་པ་ཐམས་ཅད་དུ་ཁྱབ་པས་འཇིག་རྟེན་གྱི་ཁམས་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་མཐས་གཏུགས་པ་ཐམས་ཅད་
D44.036.0199a01.01རྒྱས་པར་བཀང་ནས་ཉེ་བར་བསྒྲུབས་ཏེ་གནས་སོ། །དེ་རྫུ་འཕྲུལ་གྱིས་རྣམ་པ་དུ་མ་མྱོང་བར་བྱེད་དེས་འདི་ཡང་གཡོ་བར་བྱེད་དོ། །གཅིག་ཏུ་གྱུར་ནས་མང་པོར་འགྱུར་རོ། །མང་པོར་གྱུར་ནས་གཅིག་ཏུ་འགྱུར་རོ། །སྣང་བ་དང་མི་སྣང་བ་ལ་འང་རབ་
D44.036.0199a02.01ཏུ་སྤྱོད་དེ་རྩིག་པ་ལ་ཐགས་ཐོགས་མེད་པ་དང་། ར་བ་ལ་ཐགས་ཐོགས་མེད་པ་དང་། རི་ལ་ཡང་དཔེར་ན་ནམ་མཁའ་བཞིན་དུ་ཐགས་ཐོགས་མེད་ཅིང་ཆགས་པ་མེད་པར་འགྲོའོ། །དཔེར་ན་ནམ་མཁའ་ལ་ལྡིང་བའི་བྱ་བཞིན་དུ་ནམ་མཁའ་ལ་
D44.036.0199a03.01འང་དཀྱིལ་མོ་དཀྲུང་གིས་གནས་པར་བྱེད་དོ། །ཆུ་བཞིན་དུས་ལའང་ནུབ་ཅིང་འབྱུང་བ་སྟོན་ཏོ། །ས་བཞིན་དུ་ཆུ་ལ་ཡང་འབྱིང་བ་མེད་པར་འགྲོའོ། །{མྱེའི་,མེའི་}ཕུང་པོ་ཆེན་པོ་བཞིན་དུ་དུ་བ་འཐུལ་ལོ། །མེ་ལྕེ་འབར་རོ། །སྤྲིན་ཆེན་པོ་བཞིན་དུ་ལུས་
D44.036.0199a04.01ལས་ཆར་འབེབས་སོ། །ཉི་མ་དང་ཟླ་བ་འདི་དག་འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ་ལ། འདི་ལྟར་དབང་ཆེ་བར་གྲགས་པ་དག་ཀྱང་ལག་པས་ཉུག་ཅིང་རེག་པར་བྱེད་དོ། །ཚངས་པའི་འཇིག་རྟེན་གྱི་བར་དུ་ཡང་ལུས་ཀྱིས་དབང་བསྒྱུར་ཏེ།
D44.036.0199a05.01དེ་ལྷའི་རྣ་བའི་ཁམས་རྣམ་པར་དག་པ་{མྱི་,མི་}ལས་འདས་པས་ལྷ་དང་མིའི་སྒྲ་གཉིས་ཀ་ཡང་ཉན་ཏོ། རིང་ཡང་རུང་ཉེ་ཡང་རུང་སྟེ་ཆུང་ངུ་ན་སྦྲང་བུ་དང་། ཤ་སྦྲང་དང་། བུང་བ་དང་། སྲིན་བུའི་སྒྲ་ཡང་ཐོས་སོ། །དེ་སེམས་ཅན་
D44.036.0199a06.01ཕ་རོལ་དང་གང་ཟག་ཕ་རོལ་གྱི་སེམས་ཀྱང་སེམས་ཀྱིས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། འདོད་ཆགས་དང་བཅས་པའི་སེམས་ལ་འདོད་ཆགས་དང་བཅས་པའི་སེམས་ཤེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །
D44.036.0199a07.01