完整藏文原文 · 德格版页 当前仅加载第 36 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་ཕྱིར་མི་ལྡོག་པ་དང་། དེ་མ་ཡིན་པའི་བྱང་ཆུབ་སེམས་དཔའ་གཞན་དག་གིས་ཀྱང་སྐྱེ་བའི་སྐྱེ་མཆེད་རྣམ་པ་སྣ་ཚོགས་དག་ལ་གནས་ཤིང་ཚེ་རབས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་དེ་དག་ཏུ་ཡོངས་སུ་བཏང་བར་གྱུར་པ་དེ་བཞིན་
D44.036.0053b01.01དུ་དེས་ཀྱང་སློང་བ་དེ་དག་རྒྱལ་པོ་ལ་འོས་པའི་སེང་གེའི་གདན་དག་ལ་བཀོད་ཅིང་སློང་བས་མོས་པའི་སེམས་ཀྱི་ཡིད་དུ་འོང་ཞིང་འཇམ་པའི་ངག་དང་། བྱམས་པ་ལ་སྤྱོད་པའི་སེམས་ཀྱིས་རང་གི་ལྕེ་གཏོང་བའི་ཚེ། གཤེ་བ་མེད་པའི་སེམས་དང་། རྨ་མེད་པའི་
D44.036.0053b02.01སེམས་དང་། ཉམས་པ་མེད་པའི་སེམས་དང་། རིགས་ཆེན་པོའི་རིགས་དང་ལྡན་པའི་སེམས་དང་། སངས་རྒྱས་ཀྱི་རིགས་སུ་འབྱུང་བའི་སེམས་དང་། བྱང་ཆུབ་ཀྱི་སེམས་ལ་དགོད་ཅིང་གཞག་པའི་སེམས་དང་། རྒྱུད་འཁྲུག་པ་མེད་
D44.036.0053b03.01པའི་སེམས་དང་། མཐུ་སྟོབས་ཆེན་པོའི་ཤུགས་ཀྱི་སེམས་དང་། ལུས་ལ་མ་ཆགས་པའི་སེམས་དང་། ཚིག་ཏུ་བརྗོད་པ་ལ་ཆགས་པ་མེད་པའི་སེམས་སུ་བྱས་ཏེ། པུས་མོའི་ལྷ་ང་ས་ལ་བཙུགས་ཤིང་བདག་གི་ཁ་ནས་ལྕེ་ཕྱུང་སྟེ།
D44.036.0053b04.01ལུས་ཐམས་ཅད་ལ་སློང་བ་དབང་བྱེད་དུ་བཅུག་ནས། ཚིག་མཉེན་ཞིང་འཇམ་པ་དང་། ཡིད་དུ་འོང་བ་དང་། བྱམས་པར་སྤྱོད་པས་ཚིག་ཏུ་བརྗོད་ཅིང་། ཅི་ནས་ཀྱང་ཁྱེད་དགའ་ཞིང་ཡིད་བདེ་བ་དང་། མགུ་ཞིང་རངས་པར་བདག་གི་ལྕེ་ལོང་ལ་གང་
D44.036.0053b05.01དུ་དགོས་པ་དེའི་དགོས་པ་སྒྲུབས་ཤིག་ཅེས་ནས། དེ་ལྕེ་སྦྱིན་ཞིང་ཡོངས་སུ་གཏོང་བའི་ཚེ། ལྕེ་ཡོངས་སུ་བཏང་བས། ཡང་དག་པར་བཟུང་བའི་དགེ་བའི་རྩ་བ་དེའི་ད་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་
D44.036.0053b06.01ཚིག་གི་ཚུལ་ཐམས་ཅད་ཀྱིས་ཤེས་པར་བྱེད་པའི་ཕྱིར་ལྕེ་ཤིན་ཏུ་ཡངས་པ་དང་ལྡན་པར་གྱུར་ཅིག །སེམས་ཅན་ཐམས་ཅད་ཡང་དག་པ་ཇི་ལྟ་བ་བཞིན་གྱི་ཚིག་བདེན་པ་གཉིས་སུ་བྱ་བ་མེད་པ་དང་ལྡན་པར་གྱུར་ཏེ། གདོང་གི་དཀྱིལ་འཁོར་
D44.036.0053b07.01