完整藏文原文 · 德格版页 当前仅加载第 36 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མངོན་པར་མཁྱེན་པ། ཆོས་ཐམས་ཅད་ཀྱི་རང་བཞིན་གྱིས་ཤིན་ཏུ་འཕགས་པ། བསྒྲིབས་པ་མེད་པའི་བྱིན་གྱི་རླབས་ཀྱིས་ཕྱིར་མི་ལྡོག་པ། སངས་རྒྱས་ཀྱི་དགེ་བའི་རྩ་བས་ཡང་དག་པར་བྱུང་བའི་ཕྱིར་ཆགས་པ་མེད་པར་གཟིགས་
D44.036.0008a01.01པའི་བདག་ཉིད་ཆེ་བ་ཅན་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་དང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་མེ་ཏོག་གམ། སྤོས་སམ། ཕྲེང་བ་འམ། བྱུག་པ་འམ། གདུགས་སམ། རྒྱལ་མཚན་ནམ། བ་དན་
D44.036.0008a02.01ནམ། རིན་པོ་ཆེའམ། མེ་མར་གྱིས་དེ་བཞིན་གཤེགས་པའི་སྐུ་འམ། མཆོད་རྟེན་ལ་འང་རུང་སྟེ། {དམྱིགས་,དམིགས་}པ་ཚད་མེད་པས་སྦྱར་བའི་དགེ་བའི་རྩ་བའི་ཚོགས་ཐམས་ཅད་ཀྱིས་དགེ་བའི་རྩ་བ་གང་དང་གང་བསྐྱེད་ཀྱང་རུང་སྟེ། འཁྲུག་པ་མེད་པའི་སེམས་དང་རྩེ་གཅིག་ཏུ་གྱུར་པ་
D44.036.0008a03.01མེད་པའི་སེམས་དང་། གཡོ་བ་མེད་པའི་སེམས་དང་། རྨོངས་པ་མེད་པའི་སེམས་དང་། {མྱི་,མི་}སྒུལ་བའི་སེམས་དང་། གནས་མེད་པའི་སེམས་དང་། {མྱི་,མི་}གནས་པའི་སེམས་དང་། སྲོག་མེད་པའི་སེམས་དང་། {མྱི་,མི་}གཡེང་བའི་སེམས་དང་། ཞི་བའི་སེམས་སུ་བྱས་ཏེ།
D44.036.0008a04.01འདི་ལྟར་ཡོངས་སུ་བསྔོ་ཞིང་། འདི་སྙམ་དུ་དགེ་བའི་རྩ་བ་འདི་ཆོས་ཀྱི་དབྱིངས་ཤིན་ཏུ་བསྟན་པས་འདུས་པའི་སངས་རྒྱས་ཐམས་ཅད་མཁྱེན་པའི་བྱང་ཆུབ་ཀྱིས་འདུས་པའི་{མྱིང་,མིང་}མང་པོ་དང་། ཚིག་དང་ངེས་པའི་ངག་མཐའ་ཡས་པ་དང་། དུས་ཐ་དད་པར་མངོན་པར་འཚང་རྒྱ་བའི།
D44.036.0008a05.01དེ་བཞིན་གཤེགས་པ་དང་། ཕྱི་མའི་མཐར་ཐུག་པའི་བསྐལ་པར་བྱིན་གྱིས་བརླབས་པའི་སྐུ་ཚེའི་ཚད་དང་། མཐའ་དང་དབུས་མེད་པར་ཤིན་ཏུ་བསྟན་པའི་སྔོན་གྱི་མཐའ་དང་ཕྱི་མའི་མཐའ་དང་། ད་ལྟར་བྱུང་བའི་ཡང་དག་པར་རྫོགས་པའི་བྱང་ཆུབ་ཀྱིས་རྒྱས་པ་དང་། ཆོས་
D44.036.0008a06.01ཀྱི་དབྱིངས་དེ་བཞིན་གཤེགས་པའི་འབྱུང་གནས་སངས་རྒྱས་ཐམས་ཅད་ཀྱི་སྐུའི་རྒྱན་གྱིས་བརྒྱན་པའི་སངས་རྒྱས་ཀྱི་ཞིང་དང་། ཆོས་ཀྱི་དབྱིངས་ཡོངས་སུ་གང་བའི་འཁོར་གྱི་དཀྱིལ་འཁོར་དུ་དུས་ཇི་ལྟ་བ་བཞིན་དུ་ཡང་དག་པར་སྟོན་པའི་སངས་རྒྱས་འབྱུང་བའི་དེ་བཞིན་གཤེགས་པ་
D44.036.0008a07.01