完整藏文原文 · 德格版页 当前仅加载第 36 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་སྐུའི་ཆོ་འཕྲུལ་རྣམས་ཀྱང་ཡང་དག་པར་བསྟན་པར་གྱུར་ཏོ། །གླིང་བཞི་པ་འདིའི་དགའ་ལྡན་གྱི་གནས་སུ་ལྷའི་དབང་པོ་རབ་དགའ་ལྡན་གྱི་ཁང་པ་ན་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་དུ་ཡང་ཕྱོགས་བཅུར་རྒྱས་
D44.036.0163a01.01པར་བཀའ་ཞིང་ཆོས་བསྟན་པ་འདི་ཉིད་ཀུན་ཏུ་བྱུང་ངོ་། སངས་རྒྱས་ཀྱི་མཐུས་ཕྱོགས་བཅུའི་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཀྱི་ཕ་རོལ་དག་ནས་ཀྱང་སངས་རྒྱས་ཀྱི་ཞིང་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བྱང་
D44.036.0163a02.01ཆུབ་སེམས་དཔའ་ལྷགས་ནས་ཕྱོགས་བཅུ་བཀང་སྟེ། འདི་སྐད་ཟེར་རོ། །ཀྱེ་རྒྱལ་བའི་སྲས་དེ་ལྟར་ཁྱོད་ཀྱིས་ཡོངས་སུ་བསྔོ་བའི་ཆོས་ཉིད་འདི་བཤད་པ་ལེགས་སོ་ལེགས་སོ། །ཀྱེ་རྒྱལ་བའི་སྲས་བདག་ཅག་ཀུན་ཀྱང་མིང་རྡོ་རྗེའི་རྒྱལ་མཚན་
D44.036.0163a03.01ཞེས་བྱ་བ་ཤ་སྟག་སྟེ། འཇིག་རྟེན་གྱི་ཁམས་མིང་རྡོ་རྗེའི་འོད་ཅེས་བྱ་བ་དག་ན། དེ་བཞིན་གཤེགས་པའི་མཚན་རྡོ་རྗེའི་དཔལ་ཞེས་བྱ་བ་བཞུགས་པ་དག་གི་དྲུང་ནས་འདིར་ཕྱིན་ཏེ། ཀུན་ན་ཡང་སངས་རྒྱས་ཀྱི་བྱིན་གྱི་རླབས་ཀྱིས་འཁོར་གྱི་
D44.036.0163a04.01རྣམ་པ་འདི་ལྟ་བུ་དག་ན་ཚིག་འདི་དག་དང་། ཡི་གེ་འདི་དག་དང་། གོ་བར་བྱ་བ་འདི་དག་གིས་དོན་འདི་ཉིད་ལྷག་པ་མེད་ཅིང་ཆད་པ་མེད་པར་བརྗོད་དེ་ཆོས་འདི་ཉིད་སྟོན་ཏོ། །ཀྱེ་རྒྱལ་བའི་སྲས་བདག་ཅག་ཀྱང་དེ་ལྟར་ཕྱོགས་བཅུའི་འཇིག་རྟེན་གྱི་ཁམས་ཀྱི་འཇིག་རྟེན་གྱི་ཁམས་རེ་
D44.036.0163a05.01རེའི་གླིང་བཞི་པ་དག་གི་དགའ་ལྡན་གྱི་གནས་ཀྱི་ལྷའི་རྒྱལ་པོའི་རབ་དགའ་ལྡན་གྱི་ཁང་པ་རིན་པོ་ཆེ་ཐམས་ཅད་ཀྱི་བརྒྱན་ཅེས་བྱ་བ་དག་ཏུ་སངས་རྒྱས་ཀྱི་ཞིང་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བྱང་ཆུབ་སེམས་དཔའ་རྣམས་ཕྱིན་པ་མངོན་དུ་མཐོང་བ་ཤ་
D44.036.0163a06.01སྟག་སངས་རྒྱས་ཀྱི་བྱིན་གྱི་རླབས་ཀྱིས་འཁོར་འདིར་ཕྱིན་ཏོ། །དེ་ནས་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་གྱིས་ཕྱོགས་བཅུར་བལྟས་ཏེ་འཁོར་ཐམས་ཅད་ལ་བལྟས་ནས་ཆོས་ཀྱི་དབྱིངས་ལ་རྣམ་པར་བལྟ་བ་དང་། དོན་དང་ཚིག་དང་ཡི་གེ་ལ་
D44.036.0163a07.01