完整藏文原文 · 德格版页 当前仅加载第 36 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
པས་སྙིང་རྗེ་ཆེན་པོ་ལ་སྤྱོད་པ་ཡིན་ཏེ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཁམས་གཅིག་རྣམ་པར་གཞོག་པས་འཇིག་རྟེན་གྱི་ཁམས་རྣམ་པར་དགོད་པ་གྲངས་མེད་པ་ལ་འཇུག་གོ །བསྐལ་པ་
D44.036.0304a01.01གྲངས་མེད་པའི་རྒྱུད་རབ་ཏུ་ཤེས་སོ། །བྱང་ཆུབ་སེམས་དཔའི་འཇུག་པ་གྲངས་མེད་པ་ཡང་དག་པར་མཐོང་ངོ་། །སངས་རྒྱས་གྲངས་མེད་པའི་རྗེས་སུ་ཡང་དག་པར་འབྲང་ངོ་། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D44.036.0304a02.01པའི་སངས་རྒྱས་དེ་དག་གིས་ཆོས་བསྟན་པ་ཡང་དག་པར་འཛིན་ཏོ། །བྱང་ཆུབ་སེམས་དཔའི་སྤྱོད་པ་དེ་ལ་བདག་ཡང་དག་པར་སྤྱོད་པར་མཐོང་སྟེ། འདི་ནས་ཀྱང་བདག་གུད་དུ་གཡོ་བ་{མྱེད་,མེད་}དོ། །དེ་དག་དང་བདག་ཏུ་ཐ་དད་པ་
D44.036.0304a03.01མེད་པར་ཡང་རབ་ཏུ་ཤེས་ཏེ། ཆོས་ཀྱི་དབྱིངས་ལ་འཇུག་པས་ཀྱང་རྒྱུན་ཆད་པ་མེད་པར་རབ་ཏུ་འཇུག་གོ །ཡེ་ཤེས་ཀྱི་རྗེས་སུ་འཇུག་ཅིང་། ཕྱིར་མི་ལྡོག་པ་འང་རབ་ཏུ་ཤེས་ཏེ། དཔེར་ན་སྒྱུ་མའི་མཁན་པོ་དེས་འདི་ལ་གནས་ཤིང་སྒྱུ་
D44.036.0304a04.01མ་ཐམས་ཅད་སྟོན་ཀྱང་སྒྱུ་མའི་སྤྲུལ་པ་དེས་ས་འདི་སྐྱོན་ཅན་དུའང་མི་འགྱུར་ལ། སྒྱུ་མའི་སྤྲིན་དེ་དག་གིས་ཀྱང་ས་འདི་རླན་པར་མི་འགྱུར་ཏེ། སྒྱུ་མའི་ཉི་མ་དེས་མུན་པའི་གྲངས་སུ་བྱ་བ་འདི་དག་བསྩལ་བར་ཡང་མི་འགྱུར་རོ། །དེ་བཞིན་དུ་བྱང་
D44.036.0304a05.01ཆུབ་སེམས་དཔའ་ཡང་སངས་རྒྱས་ཀྱི་ཞིང་གི་ཡུལ་ལ་ཞིང་དུ་འཇུག་པའང་བྱེད། འཇིག་རྟེན་མ་ཡིན་པའི་ཡུལ་ལ་འཇིག་རྟེན་ཡང་རབ་ཏུ་ཤེས། གཟུགས་མེད་པའི་ཡུལ་ལ་གཟུགས་སུ་བྱིན་གྱིས་རློབ་པའང་ཤིན་ཏུ་སྟོན་ཏེ། གཅིག་གིས་
D44.036.0304a06.01གཉིས་པ་ཡང་འཇིག་པར་མི་བྱེད་དོ། །གཉིས་པས་ཀྱང་གཅིག་འཇིག་པར་མི་བྱེད་དོ། །དེ་ནི་དེས་འཇིག་རྟེན་གྱི་ཆོས་ཐམས་ཅད་སྒྱུ་མའི་དྲ་བར་ཆོས་ཀྱི་རང་བཞིན་ལ་འཇུག་པས་རབ་ཏུ་ཤེས་ཤིང་ཁོང་དུ་ཆུད་པ་དང་། ཡེ་ཤེས་
D44.036.0304a07.01