完整藏文原文 · 德格版页 当前仅加载第 36 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་མའི་མཐའི་བསྐལ་པ་བྱེ་བ་བརྒྱར་བྱང་ཆུབ་སེམས་དཔའི་སྤྱོད་པ་ལ་གནས་ཤིང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་ལ་ཞུགས་ཏེ། ཚེ་འགག་པ་མེད་པར་གྱུར་ཅིག །སེམས་
D44.036.0068a01.01ཅན་ཐམས་ཅད་སྟོབས་བཅུའི་དགེ་བའི་རྩ་བ་ཡང་དག་པར་བསྩགས་པའི་འབྱུང་གནས་སུ་གྱུར་ཅིང་ཚེའི་དངོ་འཛིན་པར་གྱུར་ཅིག །སེམས་ཅན་ཐམས་ཅད་ཚེའི་ཚད་འགག་པ་མེད་པའི་དགེ་བའི་རྩ་བ་དང་། སྨོན་ལམ་ཡོངས་སུ་རྫོགས་པས་དགེ་བའི་རྩ་
D44.036.0068a02.01བའི་བསམ་པ་ཐམས་ཅད་ཡོངས་སུ་རྫོགས་པར་གྱུར་ཅིག །སེམས་ཅན་ཐམས་ཅད་ཚེའི་ཚད་ཟད་མི་ཤེས་པའི་དགེ་བའི་རྩ་བ་ལ་བརྩོན་ཞིང་སངས་རྒྱས་ཐམས་ཅད་མཐོང་བ་དང་མཉེས་པར་བྱ་བའི་དུས་དང་མཉམ་པར་གྱུར་ཅིག །སེམས་ཅན་
D44.036.0068a03.01ཐམས་ཅད་འཕགས་པའི་ཆོས་ལ་དགའ་བ་རབ་ཏུ་ཐོབ་ཅིང་སྲོག་གི་དབང་པོ་འགག་པ་མེད་པ་དང་། འཕགས་པའི་སྐྱེ་མཆེད་ལ་བསླབ་པར་བྱ་བ་ཤིན་ཏུ་བསླབས་པར་གྱུར་ཅིག །སེམས་ཅན་ཐམས་ཅད་མཐུ་སྟོབས་དང་། བརྩོན་འགྲུས་ཟད་མི་ཤེས་པ་རབ་
D44.036.0068a04.01ཏུ་ཐོབ་སྟེ། སངས་རྒྱས་ཀྱི་ཡེ་ཤེས་ཀྱིས་དབང་བསྒྱུར་བ་ལ་རབ་ཏུ་འཇོག་པ་དང་། རྒ་བ་དང་ན་བ་མེད་པའི་ཚེ་ཕུན་སུམ་ཚོགས་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་སེམས་ཅན་ཐམས་
D44.036.0068a05.01ཅད་ཀྱིས་དེ་བཞིན་གཤེགས་པའི་སྟོབས་བཅུའི་ཡེ་ཤེས་ཤིན་ཏུ་རྫོགས་པར་འགྱུར་བའི་ཕྱིར་སྲོག་གཅོད་པ་སྤངས་པ་དང་། སྡོམ་པ་གསུམ་རྣམ་པར་དག་པ་ལ་རབ་ཏུ་དགོད་པའི་ཕྱིར་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་
D44.036.0068a06.01ཆེན་པོས་བྱོལ་སོང་གི་སྐྱེ་གནས་སུ་གྱུར་པ་རྐང་བཞི་པ་དང་། མིར་འགྱུར་བ་རྣམས་ཀྱི་ཕོ་མཚན་གཅད་པར་གྱུར་ཅིང་སྐྱེས་པའི་རང་བཞིན་དང་བྲལ་བར་གྱུར་པ། སྐྱེས་བུའི་དངོས་པོ་གཞིག་པར་གྱུར་པ། ཉུག་རུམ་གྱི་དངོས་པོ་ལ་བཞག་པར་གྱུར་པ།
D44.036.0068a07.01