完整藏文原文 · 德格版页 当前仅加载第 36 函德格 343b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཁྱེན་པའི་ཡེ་ཤེས་དང་སངས་རྒྱས་ཀྱི་ཞིང་འབྱམ་ཀླས་པ་བརྗོད་དུ་མེད་པའི་ཡང་བརྗོད་དུ་མེད་པ་དག་གི་ཆོས་ཀྱི་བྱེ་བྲག་རྣམ་པར་ཕྱེ་བ་ལ་འཇུག་པ་དང་། ཇི་ཙམ་དུ་སེམས་ཅན་གྱི་ཁམས་ཀྱི་རྒྱུད་བརྗོད་དུ་མེད་པའི་ཡང་བརྗོད་
D44.036.0343b01.01དུ་མེད་པ་དགེ་བའི་རྩ་བ་ལ་གཞོག་ཅིང་ཉེ་བར་འཚོ་བར་བྱེད་པ་དང་། ཉེ་བར་སྟོན་པ་དང་། ཤིན་ཏུ་རྣམ་པར་དག་པར་བྱེད་པ་དང་། ཇི་ཙམ་དུ་བྱང་ཆུབ་སེམས་དཔའི་དགེ་བའི་རྩ་བ་དམ་པ་བརྗོད་དུ་མེད་པའི་ཡང་བརྗོད་དུ་མེད་པ་
D44.036.0343b02.01ཡང་དག་པར་མཐོང་ཞིང་སྨོན་ལམ་གཅིག་ཏུ་ངེས་པ་མེད་པ་ཀུན་ཏུ་བཟང་པོའི་སྤྱོད་པ་དང་། སྨོན་ལམ་ལ་ངེས་པར་བྱ་བ་དང་། ཀུན་ཏུ་བཟང་པོའི་སྤྱོད་ཡུལ་གྱི་ཡེ་ཤེས་ཀྱི་སྒོ་ལ་གཞོག་པ་དང་། ཇི་ཙམ་དུ་དུས་གསུམ་ལ་འཇུག་པའི་
D44.036.0343b03.01རྒྱུད་བརྗོད་དུ་མེད་པའི་ཡང་བརྗོད་དུ་མེད་པ་འབྱམ་ཀླས་པ་དང་། སྙོམས་ཤིང་རྣམ་པར་རྟོག་པའི་དུས་ལ་འཇུག་པས་མཐའ་དང་དབུས་མེད་པའི་ཚུལ་དུ་འཇུག་པ་དང་། ཇི་ཙམ་དུ་འཇིག་རྟེན་གྱི་ཁམས་འབྱུང་བ་དང་། འཇིག་
D44.036.0343b04.01པ་དང་གནས་པ་བརྗོད་དུ་མེད་པའི་ཡང་བརྗོད་དུ་མེད་པ་རྣམ་པར་རྟོག་པའི་དམིགས་པ་ཀུན་ཏུ་རྒྱུ་བ་འབྱུང་ཞིང་རྒྱུན་མི་འཆད་པ་དེ་ཙམ་དུ་ཡེ་ཤེས་ཀྱི་དམིགས་པ་སྙིང་རྗེ་ཆེན་པོ་ལས་བྱུང་བ། སྨོན་ལམ་ཆེན་པོས་སྤྲུལ་པ།
D44.036.0343b05.01འགྲོ་བ་ཐམས་ཅད་མ་ལུས་པར་གདུལ་བ་ལ་བརྩོན་པ་ཡང་མཐར་ཐུག་ཅེས་བྱ་བ་མེད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་། སྨོན་ལམ་ཡོངས་སུ་རྫོགས་པར་བྱ་
D44.036.0343b06.01བའི་ཕྱིར། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པའི་ཁྱད་པར་ཡེ་ཤེས་ཀྱིས་བསྒྲུབས་པས་འགྲོ་བ་ཐམས་ཅད་ཡོངས་སུ་དགྲོལ་བར་བྱ་བ་ལ་བརྩོན་པའི་ཕྱིར་རོ། །དེ་བས་ན་བྱང་ཆུབ་སེམས་དཔའ་ཏིང་ངེ་འཛིན་གྱི་རྣམ་
D44.036.0343b07.01