完整藏文原文 · 德格版页 当前仅加载第 36 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
ཅང་མི་ཟེར་བར་འདུག་པ་ཉིད་དུ་མོས་སོ། །དེ་ནས་བྱང་ཆུབ་སེམས་དཔའ་རྡོ་རྗེའི་སྙིང་པོས་དོན་འདི་ཉིད་གསལ་བར་བསྟན་པའི་ཕྱིར་ཚིགས་སུ་བཅད་པ་འདི་དག་སྨྲས་སོ། །འཁོར་འདི་རྣམ་དག་ཤེས་རབ་ཡངས་པ་སྟེ། །ཟབ་ཅིང་གསལ་བའི་
D44.036.0172a01.01སྤྱོད་ལྡན་རྟོག་ཤེས་ཤིང་། །གཞན་དྲིང་{མྱི་,མི་}འཇོག་རི་རྒྱལ་བཞིན་མི་གཡོ། །བསམ་རྟོག་མི་འཁྲུག་རྒྱ་མཚོ་ཆེན་པོ་འདྲ། །འོན་ཀྱང་མ་རྟོགས་མི་ཤེས་མ་སྦྱང་བ། །རྣམ་ཤེས་ཡུལ་ནས་དོན་ལ་ཤེས་མེད་པས། ཐོས་ཤིང་མ་ཆེས་ཕྲལ་དུ་ངན་སོང་ལྟུང་། །དེ་དག་སྙིང་
D44.036.0172a02.01བརྩེས་ཡེ་ཤེས་ས་མ་བཤད། དེ་ནས་བྱང་ཆུབ་སེམས་དཔའ་རྣམ་པར་གྲོལ་བའི་ཟླ་བས་ཡང་བྱང་ཆུབ་སེམས་དཔའ་རྡོ་རྗེའི་སྙིང་པོ་ལ་གསོལ་བ་བཏབ་པ། ཀྱེ་རྒྱལ་བའི་སྲས་ལེགས་པར་བཤད་པ་མཛོད་ཅིག་དང་། དེ་བཞིན་གཤེགས་པའི་བྱིན་གྱིས་རྣམ་པ་
D44.036.0172a03.01འདི་ལྟ་བུ་བསམ་གྱིས་{མྱི་,མི་}ཁྱབ་པའི་གནས་འདི་དག་ཀྱང་གཞན་དུ་མི་འགྱུར་བ་དང་། ལེགས་པར་ཡིད་ཆེས་པར་འགྱུར་རོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དེ་ནི་འདི་ལྟར་ས་ཤིན་ཏུ་བསྟན་པ་འདི་བཤད་པའི་ཚེ་ཆོས་ཉིད་རབ་ཏུ་ཐོབ་པས། སངས་རྒྱས་ཐམས་
D44.036.0172a04.01ཅད་ཀྱིས་ཀྱང་དགོངས་པར་འགྱུར། བྱང་ཆུབ་སེམས་དཔའ་ཐམས་ཅད་ཀྱང་ཡེ་ཤེས་ཀྱིས་འདི་ཡོངས་སུ་བསྲུང་བའི་དོན་དུ་རབ་ཏུ་བརྩོན་པར་བྱེད་དོ། །དེ་ཡང་ཅིའི་ཕྱིར་ཞེ་ན། འདི་ནི་སྤྱོད་པའི་ས་དང་པོ་སྟེ། འདི་ནི་སངས་རྒྱས་ཀྱི་ཆོས་ཐམས་ཅད་ཡང་དག་པར་འགྲུབ་
D44.036.0172a05.01པའི་གཞི་ཡིན་ནོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། ཡི་གེ་དང་འབྲུ་འགྲངས་པ་ཇི་སྙེད་དུ་བསྟན་པ་དེ་དག་ཐམས་ཅད་ཀྱི་སྔོན་དུ་འགྲོ་བའང་ཡི་གེའི་ཕྱི་མོའོ། །ཐ་མར་ཡང་ཡི་གེའི་ཕྱི་མོ་ལ་ཐུག་སྟེ། ཡི་གེའི་ཕྱི་མོ་བསྟན་པས་མ་ཁྱབ་པ་དེ་ལྟ་བུའི་ཡི་གེ་
D44.036.0172a06.01དང་འབྲུ་འགྲངས་པ་བསྟན་པ་ནི་གང་ཡང་མེད་དོ། །ཀྱེ་རྒྱལ་བའི་སྲས་དེ་བཞིན་དུ་སངས་རྒྱས་ཀྱི་ཆོས་ཐམས་ཅད་ཀྱང་སྤྱོད་པས་རབ་ཏུ་འགྲུབ་པས་ས་སྔོན་དུ་འགྲོ་བའོ། །རང་བྱུང་གི་ཡེ་ཤེས་ཀྱི་མཐར་ཐུག་པར་འགྱུར་བས། སའི་མཐར་ཐུག་པའོ་དེ་བས་ན། ཀྱེ་རྒྱལ་
D44.036.0172a07.01