完整藏文原文 · 德格版页 当前仅加载第 36 函德格 370a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དཔྱོད་པ་མེད་དོ། །བྱང་ཆུབ་ལ་ཡོངས་སུ་རྟོག་པ་མེད་དོ། །སངས་རྒྱས་འབྱུང་བར་མི་བྱེད་དོ། །སངས་རྒྱས་ཡོངས་སུ་མྱ་ངན་ལས་འདའ་བར་མི་བྱེད་དོ། །སྨོན་ལམ་ལ་གནས་པར་མི་བྱེད་
D44.036.0370a01.01དོ། །སྐྱོན་མེད་པ་ལ་ཆགས་པར་མི་བྱེད་དོ། །མཉམ་པ་ཉིད་མི་ལེན་ཏོ། །ཆགས་པ་མེད་པ་མི་འདོར་རོ། །ཞིང་ལ་ཆགས་པ་མེད་དོ། །ཐ་དད་པ་མེད་པར་ཡང་ཁོང་དུ་ཆུད་དོ། །སེམས་ཅན་གྱི་ཁམས་ཀྱང་མངོན་པར་སྒྲུབ་སྟེ། སེམས་
D44.036.0370a02.01ཅན་གྱི་ཁམས་ཐ་དད་པའང་རབ་ཏུ་ཤེས་སོ། །ཆོས་ཀྱི་དབྱིངས་ཀྱང་ཁོང་དུ་ཆུད་དེ་གནས་པའི་ཆོས་ཉིད་ལས་ཀྱང་མི་གཡོའོ། །དུས་མཉམ་པ་ཉིད་ལའང་རབ་ཏུ་འཇུག་སྟེ། དུས་ལ་རྣམ་པར་རྟོག་པས་ཀྱང་འགལ་བར་མི་བྱེད་དོ། །ཕུང་
D44.036.0370a03.01པོ་དང་སྐྱེ་མཆེད་རྣམས་ཀྱང་མངོན་པར་སྒྲུབ་སྟེ། གནས་ཡང་དག་པར་གཞོལ་བ་འང་ཁོང་དུ་ཆུད་པར་བྱེད་དོ། །སེམས་ཅན་རྣམས་ཀྱང་ཡོངས་སུ་སྨིན་པར་བྱེད་དེ། ཆོས་ཀྱི་དབྱིངས་མཉམ་པ་ཉིད་ཐ་དད་པ་མེད་པར་ཡང་རབ་ཏུ་
D44.036.0370a04.01ཤེས་སོ། །ཆོས་ཐམས་ཅད་བརྗོད་དུ་མེད་ཅིང་ཡི་གེ་མེད་པར་ཡང་རབ་ཏུ་ཤེས་ཏེ། སོ་སོ་ཡང་དག་པར་རིག་པས་ཀྱང་ཐོགས་པ་མེད་དོ། །སེམས་ཅན་ཐམས་ཅད་དགྲོལ་བའི་དོན་དུ་འདོད་པ་ལ་འང་ཆགས་པར་མི་བྱེད་དོ། །སྙིང་
D44.036.0370a05.01རྗེ་ཆེན་པོས་ཀྱང་འདུལ་བའི་སེམས་ཅན་རྣམས་ལ་ཆོས་ཀྱི་འཁོར་ལོ་བསྐོར་རོ། །སེམས་ཅན་ལ་ལྟ་བའི་ཕྱིར་སྙིང་རྗེ་ཆེན་པོའང་བྱིན་གྱིས་རློབ་སྟེ། སྙིང་རྗེ་ཆེན་པོའི་ཕྱོགས་ལའང་སེམས་ཅན་ཐམས་ཅད་ཡོངས་སུ་འགྲེལ་ཏོ། །
D44.036.0370a06.01སྔོན་གྱི་རྒྱུ་ཡང་རབ་ཏུ་རྗོད་དེ། རྒྱུ་འཕོ་བ་མེད་པ་འམ་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་སོ། །ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྒྱུ་མ་ལྟ་བུའི་བཟོད་པ་ཐོབ་པ་སྟེ་བཞི་པའོ། །
D44.036.0370a07.01