完整藏文原文 · 德格版页 当前仅加载第 36 函德格 334b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་པར་མི་འགྱུར་འགྱེས་པར་མི་འགྱུར། བྱང་བར་མི་འགྱུར། རྣམ་པ་ཐ་དད་པར་མི་འགྱུར། རྣམ་པ་གཞན་དུ་མི་འགྱུར། དངོས་པོ་གཞན་དུ་མི་འགྱུར། རང་བཞིན་རྣམ་པར་མི་སྤོང་ངོ་། །དེ་ཅིའི་ཕྱིར་ཞེ་ན། དེ་ནི་ནམ་མཁའི་རང་
D44.036.0334b01.01བཞིན་ཆོས་ཉིད་ཀྱི་ངོ་བོ་ཉིད་ཀྱི་ཕྱིར་རོ། །དེ་བཞིན་དུ་བྱང་ཆུབ་སེམས་དཔའ་ཡང་སྨོན་ལམ་ཆེན་པོ་རྒྱ་ཆེ་ཞིང་ཡངས་ལ་ཚད་མེད་པ་དང་ལྡན་པས་སེམས་ཅན་ཐམས་ཅད་དགྲོལ་བ་ལ་ཉེ་བར་གནས་པའི་སྒོས་སྐྱོ་ཞིང་དུབ་པའི་སེམས་མི་
D44.036.0334b02.01སྐྱེད་དོ། །འདི་ལྟ་སྟེ་དཔེར་ན། མྱ་ངན་ལས་འདས་པ་ནི་དུས་གསུམ་གྱི་སེམས་ཅན་མཐའ་དང་དབུས་མེད་པ་དེ་སྙེད་ཅིག་ཡོངས་སུ་མྱ་ངན་ལས་ཟློ་ཡང་བར་འགའ་ཙམ་ཡང་སྐྱོ་བ་མེད་ཅིང་སྒྱིད་ལུག་པ་མེད་དེ་ཡོངས་སུ་ཡི་ཆད་པ་མེད་
D44.036.0334b03.01དོ། །དེ་ཅིའི་ཕྱིར་ཞེ་ན། འདི་ལྟ་སྟེ། མྱ་ངན་ལས་འདས་པའི་མཐར་ཐུག་པ་འདི་ནི་ཆོས་ཐམས་ཅད་ཀྱི་དབེན་པ་ཉིད་དེ་དེ་བས་ན་གང་ལས་ཀྱང་ཕྱིར་ནུར་བར་བྱ་བ་མེད་དོ། །དེ་བཞིན་དུ་བྱང་ཆུབ་སེམས་དཔའ་ཡང་འགྲོ་བ་ཐམས་ཅད་
D44.036.0334b04.01གདོན་པའི་ཕྱིར་འཇིག་རྟེན་དུ་སྐྱེས་པས་སེམས་ཅན་ཐམས་ཅད་ཡོངས་སུ་དགྲོལ་བ་ལ་སྐྱོ་བའི་སེམས་མི་སྐྱེད་དོ། །འདི་ལྟ་སྟེ་དཔེར་ན། ཐམས་ཅད་མཁྱེན་པ་ཉིད་ལ་བྱང་ཆུབ་སེམས་དཔའ་དེ་སྙེད་ཅིག་བྱང་ཆུབ་ཀྱི་དོན་དུ་གནས་ཀྱང་
D44.036.0334b05.01སྐྱོ་བ་དང་དུབ་པ་མེད་དེ། འདས་པ་དང་མ་འོངས་པ་དང་། ད་ལྟར་བྱུང་བ་རྣམས་སངས་རྒྱས་ཀྱི་མངའ་བསྒྱུར་བ་ལ་བསྒྲུབས་སོ། །བསྒྲུབ་པོ། །བསྒྲུབ་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་ཟད་པ་མེད་པའི་ཆོས་ཉིད་ཐོབ་པའི་ཕྱིར་ཏེ།
D44.036.0334b06.01དེ་ལས་གཞན་དུ་འགྱུར་བ་མེད་ཅིང་འདུལ་བའི་ཆོས་ལ་མངོན་པར་ཆགས་པ་མེད་པས་ཕྱིར་ནུར་བ་མེད་དོ། །དེ་བཞིན་དུ་བྱང་ཆུབ་སེམས་དཔའ་ཡང་ཐམས་ཅད་མཁྱེན་པ་ཉིད་ཀྱི་ཏིང་ངེ་འཛིན་མང་པོ་བདག་གིས་ཐོབ་པར་བྱེད་ཅིང་ཁོང་དུ་ཆུད་པར་བྱེད་དོ། །
D44.036.0334b07.01