完整藏文原文 · 德格版页 当前仅加载第 36 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
ད་དུང་དུ་བྱང་ཆུབ་སེམས་དཔའ་དེ་དག་འཇིག་རྟེན་གྱི་ཁམས་འབྱམ་ཀླས་པ་གང་ནས་ལྷགས་པ་དང་དེ་བཞིན་གཤེགས་པ་གང་གི་ཞབས་ཀྱི་དྲུང་ནས་ལྷགས་པ་བརྟག་པར་གྱིས་ཤིག་དཔྱད་པར་གྱིས་ཤིག །འཇིག་རྟེན་གྱི་ཁམས་འབྱམ་ཀླས་པ་དེ་དག་ནི་
D44.036.0286b01.01མཐོང་བར་དཀའོ། །སངས་རྒྱས་བཅོམ་ལྡན་འདས་གང་གི་ཞབས་ཀྱི་དྲུང་ན་བྱང་ཆུབ་སེམས་དཔའ་འདི་དག་ཚངས་པའི་སྤྱད་པ་སྤྱོད་པའི་དེ་བཞིན་གཤེགས་པ་དེ་དག་ཀྱང་དེ་བས་ཀྱང་ཤིན་ཏུ་མཐོང་བར་དཀའོ། །དེ་ནས་བྱང་ཆུབ་སེམས་དཔའ་དེ་དག་
D44.036.0286b02.01ལས་བྱང་ཆུབ་སེམས་དཔའ་རེ་རེས་ཀྱང་། བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ལ་མཉམ་པར་གཞག་གོ །དེ་ལྟར་མཉམ་པར་གཞག་ཀྱང་བྱང་ཆུབ་སེམས་དཔའ་དེ་དག་གིས་འཇིག་རྟེན་གྱི་ཁམས་
D44.036.0286b03.01འབྱམ་ཀླས་པ་དེ་དག་ཀྱང་མ་མཐོང་། སངས་རྒྱས་བཅོམ་ལྡན་འདས་གང་གི་ཞབས་ཀྱི་དྲུང་ན་བྱང་ཆུབ་སེམས་དཔའ་དེ་དག་ཚངས་པའི་སྤྱད་པ་སྤྱོད་པའི་དེ་བཞིན་གཤེགས་པ་དེ་དག་ཀྱང་མ་མཐོང་ངོ་། །དེ་ནས་བྱང་ཆུབ་སེམས་དཔའ་དེ་དག་ཏིང་ངེ་འཛིན་
D44.036.0286b04.01དེ་དག་ལས་ལངས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བདག་ཅག་བྱང་ཆུབ་སེམས་དཔའ་རེ་རེས་བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཀྱི་ཞིང་བཅུའི་རྡུལ་ཤིན་
D44.036.0286b05.01ཏུ་ཕྲ་བ་སྙེད་ལ་མཉམ་པར་གཞག་ཀྱང་འཇིག་རྟེན་གྱི་ཁམས་འབྱམ་ཀླས་པ་དེ་དག་ཀྱང་མ་མཐོང་ངོ་། །གང་གི་ཞབས་ཀྱི་དྲུང་ན་བྱང་ཆུབ་སེམས་དཔའ་དེ་དག་ཚངས་པའི་སྤྱད་པ་སྤྱོད་པའི་དེ་བཞིན་གཤེགས་པ་དེ་དག་ཀྱང་མ་མཐོང་ངོ་། །དེ་ནས་
D44.036.0286b06.01བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སྟན་དེ་ལས་ནམ་མཁའི་དབྱིངས་སུ་འཕགས་ཏེ། བཅོམ་ལྡན་འདས་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས། བྱང་ཆུབ་སེམས་དཔའི་འཁོར་གྱི་དཀྱིལ་
D44.036.0286b07.01