完整藏文原文 · 德格版页 当前仅加载第 36 函德格 341a 版页；藏文 NFD、目录标记与异常页序保留在来源切片中，重复版页行以稳定序号区分。
པས་བསྒྲུབས་པ། ཡེ་ཤེས་ཀྱི་རྒྱལ་པོའི་སྐུ་ལས་བྱུང་བ། དེ་བཞིན་གཤེགས་པས་བསྟན་པའི་ཡེ་ཤེས་ཚད་མེད་པ་རྣམ་པར་འཕྲུལ་བའི་རྣམ་པར་ཕྱེ་བ་མཐའ་དང་དབུས་མེད་པ། སངས་རྒྱས་ཐམས་
D44.036.0341a01.01ཅད་ཀྱི་ཡེ་ཤེས་ཟད་མི་ཤེས་པ་ལས་གོལ་བ་མེད་པའི་སྒོ་ཅན། སངས་རྒྱས་ཀྱི་ཡུལ་ཐམས་ཅད་མངོན་སུམ་དུ་གྱུར་བ། བྱང་ཆུབ་སེམས་དཔའ་ཀུན་ཏུ་བཟང་པོའི་ཡེ་ཤེས་ཀྱི་ཁྱུ་མཆོག་གི་མཐུ་ཕྱུང་བས་རྣམ་པར་སྦྱང་བ། སྒོ་
D44.036.0341a02.01ཐམས་ཅད་ཀྱི་དཀྱིལ་འཁོར་རབ་ཏུ་སྐྱེས་པས་དཔེ་མེད་པར་བརྗོད་པ། དམིགས་པ་ཤིན་ཏུ་ཕྲ་བས་ཆོས་ཀྱི་དབྱིངས་ཐམས་ཅད་ལ་ཡང་དག་པར་གཞོལ་བ། ཆོས་ཀྱི་དབྱིངས་ཐམས་ཅད་མ་ལུས་པར་དམིགས་པོ་ཤིན་ཏུ་
D44.036.0341a03.01ཕྲ་བས་བྱིན་གྱིས་རློབ་པ། འཕགས་པར་གསུང་བའི་ཐམས་ཅད་མཁྱེན་པས་ཤིན་ཏུ་སྣང་བར་བྱས་པ། དབང་གི་དམིགས་པ་ཐམས་ཅད་མངོན་པར་བསྒྲུབ་པ། ཆོས་ཀྱི་སྒོ་ཐམས་ཅད་ཀྱི་མཐར་ཕྱིན་པའི་ཐ་དད་པ་ཡང་དག་པར་
D44.036.0341a04.01ཤེས་པ་ཅན། ཆོས་ཀྱི་དབྱིངས་ཀྱིས་ཀླས་པའི་ཡེ་ཤེས་ཀྱི་ལུས་དང་ལྡན་པ། ཐམས་ཅད་དུ་འགྲོ་བའི་ལམ་གྱིས་གྲུབ་པ། ཏིང་ངེ་འཛིན་ཐམས་ཅད་མཁས་པར་ཁོང་དུ་ཆུད་པ། སེམས་སངས་རྒྱས་ཐམས་ཅད་ཀྱི་བྱིན་གྱིས་བརླབས་
D44.036.0341a05.01པ་དག་སྟེ། སེམས་སྐད་ཅིག་རེ་རེ་ལ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལ་གནས་ཏེ། ཏིང་ངེ་འཛིན་བརྗོད་དུ་མེད་པའི་ཡང་བརྗོད་དུ་མེད་པ་བྱེ་བ་ཕྲག་བརྒྱ་ལ་སྙོམས་པར་ཞུགས་ཀྱང་། བྱང་ཆུབ་སེམས་དཔའ་
D44.036.0341a06.01ཀུན་ཏུ་བཟང་པོའི་ཏིང་ངེ་འཛིན་དང་། ཡུལ་གྱི་རྒྱན་གྱི་སྣང་བས་ཡོངས་སུ་སྣང་བར་བྱ་བ་རྣམས་ཀྱི་མཐའ་དམིགས་པར་མི་རུང་ངོ་། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་བྱིན་གྱི་རླབས་ཀྱིས་བྱིན་དུ་བརླབས་པ་སྟེ། ཐམས་ཅད་ཀྱང་ཁོང་དུ་ཆུད་པར་
D44.036.0341a07.01